16.7 C
Hakha
Thursday, June 17, 2021
- Advertisement -

Ṭial Tharmi

Malaysia in Kawlram tlun a duhmi paoh Tanzung ah min pek khawh a si

Malaysia ram ah Covid-19 ruangah rian a ngei lo i Kawlram tlunnak zong tangka a ngei lomi phungninglo khuasa Kawlrammi hna cu Myanmar cozah nih atu hi lak a timh cang hna.

“Malaysia in Kawlram tlun a duhmi pawl cu Myanmar rammi an si fehter hnu ah lak an si lai. Kawl holh an thiam le Kawlram an umnak address an ngeih ko ahcun Malaysia um Myanmar tanzung nih kan rammi an si ti fehternak (CI) a pek ko hna lai,” tiah Ramdang Vuanci Zung nih a ti.

Hi kongah, Malaysia um Myanmar tanzung nih nizaan ah cathanh an chuah.

“Malaysia ram ah harsatnak a tong i Kawlram tlun a duhmi phungninglo Kawlrammi pawl cu lak ding in Myanmar cozah le Malaysia cozah an i ceih cang.

Form phit awk

“Cu ruangah, Myanmar cozah nih lak a thok tikah nan tlun khawh colhnak hnga atu tein form hi rak phi ulaw Myanmar tanzung email- consularmmembassy@gmail.com ah rak kan kua uh” tiin Myanmar tanzung nih a thanh.

Malaysia in Kawlram tlun a duhmi pawl cu June thla dih, July thla thok in lak khawh an si lai tiah zumh a si.

Malaysia ram ah rian ngeih lo ruang le Kawlram tlun khawh lo ruangah lungdongh in amah le mah nunnak aa lami Kawlrammi 8 an um cang.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -