May 6, 2021 (Nilini) ah Malaysia in Kawlram ah vanlawng in a tlung dingmi minung 200 i an min cazin Myanmar Tanzung nih a chuah.

Pa khatkhat ruangah a tlung kho lo dingmi nan um sual ah a sathu nak caah tiin minung 200 min cazin kan chuahnak a si tiah Tanzung nih a ti.

May 6 i Kawlram a tlung dingmi pawl nih tlunnak vanlawng ticket cu April 30 hlan ah i cawk ding a si lai. Vanlawng ticket cu Kuala Lumpur um Myanmar Tanzung ah cawk khawh a si, Nikhatni in Ningani (10:00am-3:30pm) ah cawk khawh a si lai.

Caan rikhiahmi chung ah cawk lomi vanlawng ticket pawl cu midang sinah zuar a si lai.

Myanmar Tanzung nih vanlawng ticket cu pakhat ah RM750 a si i hlan nan ton nak hnga lo MAI vanlawng ticket zuarnak zung le Myanmar Tanzung lawng ah cawk dingin forhfialnak a tuah.

Nikhatni le Nithumni fatin Malaysia in Kawlram ah vanlawng a tlung i a tanglei langhtermi MAI vanlawng ticket zuarnak ah vanlawng ticket cawk khawh a si.

• Phone Number: +603 2142 1199
• Bank min: May Bank
• Bank account min: Worldwide Aviation Agencies Sdn Bhd
• Bank account number: 5143 5640 0838
• Address: Lot 1302, 13th Floor, Wisma Chuang, Jalan Sultan Ismail, 50250 Kuala Lumpur

Tanzung nih May 6 ah tlung dingin min cazin a chuahmi pawl hi passport aa tlaihmi lawngte an si hna.