Malaysia ram in Myanmar ram a tlungmi Kawlrammi tampi lakah Covid-19 zawtnak ngeimi 9 an hung um cang.

Atu hi Hakha sizung ah Covid-19 mizaw pakhat a um i amah zong cu naite ah Malaysia ram in a hung tlungmi a si.

Myanmar Ngandamnak Zung nih May 18 zaan sml 8 le May 19 zing sml 7 i Covid-19 kong thawng a thanhmi ah Rakhine state thlanglei Thandwe(သံတွဲ) le Toungup (တောင်ကုတ်) peng in mizaw 2 cu Malaysia in a tlungmi an si.

“Case 188 (kum 38) le Case 190 (kum 25) cu naite ahkhan Malaysia in vanlawng in Myanmar ram an phan. Yangon in motor in an umnak khua ah an tlung,” tiah Thandwe sizung sibawi Tun Tun Win nih a chim.

Myanmar cozah nih ramleng ah a ummi a rammi pawl cu vanlawng in a lak hna i May 28, 2020 tiang ah Malaysia ram lawngin Myanmar ram a kirmi hi minung 484 an si.

Rakhine state ah hmuhmi Covid-19 mizaw 2 he a tlung kal ttimi minung 3 cu atu hi nawl ngeitu nih hmun dang te ah an chiah hna i zawtnak an ngeih/lo an test hna i caan rualo ah an thanh tthan te lai.

Myanmar ram pumpi ah Covid-19 zawtnak ngeimi dihlak 191 an si i a thimi 6 an si cang. – BBC Burmese

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.