17.6 C
Hakha
Wednesday, July 28, 2021
- Advertisement -

Ṭial Tharmi

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin ramkulh khuate tampi le Kalay peng tiangah minung thong tampi tangka ting 100 leng a hlen hna.

CNI Lucky Draw a tuah i “ralzaam le ngakṭah bawmhnak caah asi” tiin bawmh hal bantukin a zuarh hna. Ticket cu Hakha khua chung lawng si loin, Chin ramkulh khuate lei tiang le Kalay peng tiang ah a zuar dih.

Zar Nyi cu Hakha ah a um i a nulepa cu Malaysia ah an um rih.

Malaysia um lio ah, Laimi le Laimi pei kan si cu tiin le a nu mithmai zoh in an ngaihthiam lengmangmi asi.

CNI Lucky Draw in Mi a Hlen Hna Ning

  1. Ngakṭah bawmhnak caah, tiin le
  2. Ralzaam bawmhnak caah tiin lucky draw phun 2 a tuah.

Lucky draw a tuahmi phun 2 cu a min le catlap aa khat ko nain, ngakṭah bawmhnak caah tiin a tuahmi cu mupi a cuanter i ralzaam bawmhnak caah tiin a tuahmi cu mupi a cuanter lo.

Mihar bawmhnak pei asi cu tiin minung tampi nih an cawk. A zuar termi minung pawl kan hal hna tikah “ticket 5,000 leng a zuar khawh” tiah an kan chimh. Ticket 1 ah tangka 2,000 in a zuar caah ting 100 leng asi.

Mah vialte tangka cu aa tlaupi, a hlen dih hna

Lucky Draw honnak cu November 21, 2020 ah kan tuah lai a ti nain November 21 ah honnak a tuah lo pinah hohmanh nih an chawn kho ti lo. Ticket ah phone number a ṭialmi an chawnh zongah a nung ti lo (simcard a hlonh rua).

Nihin, November 26 tiangah ho hmanh nih an chawn kho ti lo.

Atu hi Hakha ah a um i, nizaan ah tlaih ding in an kawl. Amah cu Hakhathar ah hmuh a si nain an tlai kho lo. 

Cun, motorcycle nan poh lai tiin Lucky Draw a tuah hoi i minung tampi a zuarh hna.

Palek Sakhan ah an Report

Zuar a fialmi hna le cawtu pawl nih Hakha Palek Sakhan ah an report.

Thaizing hi palek nih hlathlainak an tuah lai.

Zeitin na ruah ve?

“Laimi le Laimi kan si, Khrihfa kan si, Laiphung in ee …” tiin hi bantuk mi ṭha lo ngaihthiam lengmang hi kan miphun caah thil ṭha asi tiah na ruat maw?

Zar Nyi hi Malaysia um lio ah thong rak thla hna sehlaw atu bantukin Chin ramkulh le Kalay peng ah kan miphun thong tampi tangka ting 100 leng an sung lai tiah na ruat maw?

Hi bantukin kan miphun thong tampi tangka hlen an ton tinak hnga lo, mi ṭha lo an hngalh i an hrial khawhnak hnga media nih phozar a herh tuk tiah na ruat maw?

Na ruah ning comment ve….

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -