Malaysia hmun tampi ah Gospel Concert an tuah lai

Malaysia hmun tampi ah Gospel Concert an tuah lai

Malaysia Chinmi umnak Church le Fellowship pawl ah Gospel concert an tuah lai.

Hlasa ding pawl cu Malaysia CNF-RC nih a cahmi Kawlram in Lal Din Thari, Ce Ce, Lal Hlim Puia le New Zealand ram in Van Hlei Sung hna an si lai. Malaysia in awttha cheukhat zong an i tel lai.

September 1 (nizaan) ahkhan Kepong ah a ummi Mara Evangelical Church (MEC) ah Gospel concert an tuah cang.

Tuni (September 2) hi Pudu um Chin Christian Fellowship (CCF) ah CNF General Secretary Pu Thla Hei le Chinmi ton biaruahnak an ngei.

September 5 (Nilini) ahkhin Sungai Besi, Kuala Lumpur ah a ummi Senthang Christian Fellowship ah Gospel concert an tuah lai. Zaan sml 8 in 10.30 tiang a si lai.

September 6 (Ningani) ahkhin Puchong ah a ummi Chin Christian Church of Malaysia (CCCM) ah Gospel concert a um lai. Zaan sml 8 in 10.30 tiang a si lai.

September 7 (Zarhteni) ahkhin Seremban ah a ummi Zokhua Area Christian Fellowship ah Gospel concert a um lai. Zaan sml 8 in 10.30 tiang a si lai.

September 8 (Zarhpini) ahkhin Cheras ah a ummi Chin Christian Fellowship Cheras ah Gospel concert a um lai. Zaan sml 8 in 10.30 tiang a si lai .

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.