Malaysia Hluttaw meeting a kaimi MP 11 COVID-19 zawtnak an ngei, Hluttaw an lockdown

- Advertisement -

Nizaan kha Malaysia Hluttaw Niam MP pawl meeting an tuah i minung 2 COVID-19 zawtnak an ngei.

Cucaah, Hluttaw Niam MP dihlak le Hluttaw rianṭuan vialte hohmanh leng chuak loin Ngandamnak Vuanci Zung le palik nih hren (lockdown) dih hna i COVID-19 an test thluahmah hna.

Zahan zaanlei 8pm tiangah Hluttaw um minung 1,183 kan test hna i COVID-19 zawtnak ngei MP 11 kan hmuh hna, tiah Ngandamnak Vuanci Zung nih a thanh.

“Hluttaw ah COVID-19 a phak ningcang kan hlat lai, Hluttaw inn le pawngkam vialte rungrul thahnak sii kan kah dih lai. Zawtnak ngeimi he aa naihniammi paoh kan test dih hna lai. Hluttaw ah zawtnak a phak tinak hnga lo i runvennak ṭha deuh in kan tuah lai.

“Hmai zarh Hluttaw meeting a kai ding MP vialte COVID-19 i test hmasa dih uh. Zawt hmelchunhnak (khuh, taklinh, hromfah, tha dih, rim theih lo, tbk) a ngeimi pawl hrim cu Hluttaw meeting kai hlah uh, vai test uh,” ati.

Malaysia MP pawl cu raikhamsi voi 2 ningin aa chun cangmi deuh lawngte an si. Voi 1 lawng aa chun rihmi cu 35 lawng an si i voi 1 hmanh aa chun rih lomi cu 4 lawng an si.

Zawtnak a ngeimi hi aa chun cangmi maw asiloah chun rih lomi dah ti balte an chim lo.

Nain, raikhamsi aa chun cangmi zong zawtnak ngeih khawh asi. Amahbelte aa chun lomi tluk fakin an zaw lo. Tahchunhnak ah, raikhamsi aa chun lomi cu COVID-19 in an zawt tikah sizung ah thlop hau an si lio ah aa chunmi cu sizung thlop hau tiang fakin an zaw lo.

Cucaah raikhamsi kan i chunh dih ahcun COVID-19 lakah kan tlongleng kho lai ti hi sii scientist pawl nih an chim lengmangmi asi.

US ram ahcun raikhamsi voi 2 ningin aa chun cangmi pawl cu mask zong hruk loin duhpaoh in an vak viar cang.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...