15.6 C
Hakha
Sunday, June 20, 2021
- Advertisement -

Ṭial Tharmi

Malaysia full lockdown June 28 tiang an sauh

Rampumpi full lockdown cu tu hnu zarh 2 chung (June 28 tiang) kan sauh lai, tiah Runvennak Vuanci Pu Ismail Sabri (hmanthlak) nih a thanh.

“Ngandamnak Vuanci Zung nih atu lio pulrai boruak cazin a kan piah i lockdown sauh dingin ruahnak a kan cheuh.

“Ni fatin COVID-19 mizaw 5,000 leng peng kan hmuh rih hna.

“Cucaah, lockdown cu tu hnu zarh 2 chung June 28 tiang kan sauh lai.

“COVID-19 zulhphung le rianṭuan onhmi pawl cu atu ning hi asi ko lai. Aa thlengmi um rih lai lo,” ati.

Atu lio Full Lockdown chungah rianṭuan onhmi le zulhphung pawl

Atanglei pawl hi, atu lio full lockdown chungah zulh dingmi le rianṭuan onhmi le khapmi an si.

Pumpak zulhphung

  • Tirawl cawk tikah mawtaw mongtu he minung 2 lawng cit a ngah; Sizung/sekhan kal ahcun minung 2 nih mizaw zulh a ngah.
  • Na inn in 10km tiang lawng kal a ngah, sizung/sekhan le raikhamsi chunh ruah ahcun mah pin kal a ngah nain lam nai bik asi lai.
  • Ni fatin herhhai le ngandamnak thilri cawk ruah lawngah leng chuak uh
  • Khap (Curfew) cu asi lo nain, 8pm hnu ahcun lengchuak hlah ulaw ṭha
  • Grab le Taxi ahcun a mongtu pinah minung pakhat lawng cit a ngah, hnulei ah ṭhut ding
  • Nan inn pawng a lawnnak hmun ah 7am in 8pm tiang pe 7 hlat in tlik le exercise tuah lawng a ngah. 

Khapmi zatlang cawlcanghnak pawl

  1. Mipum in meeting tuah
  2. I lenkai – poipang ton le thil cahmi kuat ahcun ngah ko
  3. Nga sio le tiva kal – nga tlaih rianṭuanmi cu ngah ko
  4. Video thlak – mah lawngin holh lio live thlah cu ngah ko
  5. Live thlah. Thlak hmasa hnu ah live thlah zong – Media, forum siloah bia chim lawng live thlah cu ngah ko
  6. Lamkam ah hlasak 
  7. Meeting, Cawnpiaknak, Civui, Puai
  8. Mawtaw mongh cawn, ti lio cawn, vanlawng mongh cawn

Kharmi pawl

  1. Lothlo dawr, zaan dawr (ngiah ze)
  2. Internet dawr
  3. Awngbali asiloah che dawr
  4. Malitnak, Gym, Tin sii thuhnak dawr le Spa
  5. Sam mehnak le ṭamhnak dawr
  6. Mawṭaw ṭawlnak dawr
  7. Ṭhutden, cabuai, ihkhun, tbk dawr
  8. Ṭhi, Tumbul, Banhrolh, Kutdong hrolh, thilpuan, phone le computer thilri dawr
  9. Caṭialnak thilri le cauk dawr
  10. Mawṭaw thilri dawr
  11. Ngakchia lentecelhnak thilri le tanu dawr, le Zaangleknak thilri dawr
  12. Pangpar le thingkung dawr
  13. Mucu, le nau umhnak inn
  14. Lentecelhnak le nuamhnak hmun (dawr)
  15. Cinema, nightclubs, pubs
  16. Innchung certual, karaoke le theme parks
  17. Zoo, kokek panchian le nuamhnak hmun pawl

Tuah onhmi pawl

Fimcawnnak

  1. Ramdang level camipuai phit
  2. A sawng le sianginn kulh chung um liomi pawl cu um thai an ngah ko

Dawr/rian (8am – 8pm)

  1. Rawl le dinmi dawr, saram ca zong
  2. Sizung le sekhan, saram ca zong
  3. Ti
  4. Mei
  5. Security
  6. Hnawm le ti hnawm company
  7. Vawlei, thli le ti tlunkalnak (bus, tlanglawng, mawtaw, vanlawng, tilawng)
  8. Vanlawng tual, tilawng tual, le thilri kuatmi tawlrelnak
  9. Pehtlaihnak le thawngthanhnak phone, internet, media, saṭaih
  10. Inn cawknak ca tangka cawinak dawr, thil pawnnak dawr
  11. Online shopping le IT
  12. Datsi le seh sii sernak, chuahnak le kuatnak
  13. Lunghrinhmi mizaw khumherhnak le riahternak hotel le inn
  14. Supermarket, hypermarket, sii dawr, anhringso le eidin dawr, le kholh ṭawlnak chapiat ti bantuk ni tin herhhai dawr
  15. Inn sak, zohfel le a biapi tukmi remh
  16. Thingram le Saram Zohkhenhnak Cozah Zung
  17. A herh hrimhrimmi thil kuatnak
  18. Zing market siloah zing ze cu 6am in 2pm tiang, anhringso phohte dawr pawl cu (zaanṭim 12am in 6am tiang, cun 11am in 4pm tiang)
  19. Petrol station (6am in 8pm tiang) – tangka liamnak highway ah ummi pawl cu suimilaam 24 chung on khawh si
  20. Restaurant le lamkam rawl dawr (takeaway/bungus lawng)
  21. Thil suknak dawr
  22. Saram dawr
  23. Mithmaan dawr
  24. Inn sakremhnak thilri dawr
  25. Mawṭaw le saikal remhnak dawr (workshop)
  26. Phohte dawr 

Onhmi sehzung pawl (rianṭuantu 60% lawng onhmi pawl)

  1. Vanlawng remhnak thilri sehzung
  2. Rawl le dinmi chuahnak sehzung
  3. Thil fun/tomnak nak le a thilri chuahnak sehzung
  4. Takpum kholh ṭawlnak le thianhhlimhnak thilri chuahnak sehzung
  5. Ngandamnak le sizung thilri chuahnak sehzung
  6. Pum i vennak thilri (PPE), khairiat kuthruk le mei ral vennak thilri chuahnak sehzung
  7. Lekṭhik le phone/computer ti bantuk thilri chuahnak sehzung
  8. Zinan, gas le petrochemical cawh/chuahnak sehzung
  9. Chemical thilri chuahnak sehzung
  10. Seh le seh thilri chuahnak sehzung
  11. PPE sernak caah thilpuan chuahnak sehzung

(Rianṭuantu 10% lawng onhmi pawl)

  1. Mawṭaw thilri sernak sehzung
  2. Thir sehzung
  3. Mirang vawlei sehzung
  4. Thlalang sehzung
  5. Cuaipia sehzung

Inn remh le a biapi tukmi inn/lam sak onh asi

Pumpak inn remh cu a ngah ko.

Lam mei, lam a kuarmi le rawkmi, hlei rawkmi, lift rawkmi le inn seh rawkmi, ti bantuk pawl remh zong a ngah.

Inn, lam le hlei saak balte cu ‘cozah nih a herh’ a timi lawng ngah. A ti lomi paoh ngah lo.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -