17.2 C
Hakha
Monday, July 26, 2021
- Advertisement -

Ṭial Tharmi

Malaysia cu May 4 in riantuan a ngah cang lai

Malaysia ram hruaitu Prime Minister Pu Muhyiddin Yassin nih, “Covid-19 zawtnak karh hlah seh tiin lengchuah khapmi (MCO) cu May 4 thokin kan dorh deuh cang lai,” tiah tuni ah TV in thawng a thanh.

“Minung tampi i but/pumh loin tuah khawhmi rian le cawlcanghnak pawl cu kan on cang hna lai.

“Lengchuah khapmi (MCO) ruangah RM63 billion kan sung cang.

“Lengchuah khapmi hi tu hnu thla 1 kan peh rih ahcun RM100 billion dengmang kan sung lai.

“May 4 thokin, company dihlak ngawt in rianṭuannak nawl kan pek cang hna lai. Nain, rianṭuan tikah zulhphung tete a um lai.

“Rianṭuan hi tangka hmuhnak hrampi asi caah a herh tuk. Caan sau tuk lengchuah kan khap ahcun tangka lut kan ngei lai lo i tangka kan harsa tuk lai.

“Nain, minung tampi i but/pumhnak hmun a simi cinema, night club, entertainment centre, bazaar le exhibition pawl cu onnak nawl kan pe rih hna lai lo.

“Khat le khat i hnor a haumi lentecelhnak; bawlung chuih, rugby, ti lio le inn chung lentecelh pawl zong onh an si rih lai lo.

“Nain, khat le khat i hnor le minung tampi i but aa tel lomi inn leng lentecelhnak pawl cu onh an si ko lai.

“Tahchunnak ah; puai zohtu mipi um loin leng ah badminton le tennis tuk, tlik (jogging), setbing cit, kohti tuk, minung 10 tang tlik, tbk., pawl cu onh an si lai.

“Sianginn vialte khar an si rih lai. Rianṭuan ding dah lo adang paoh cu state dang kal onh an si lai lo.

“Hari Raya puai tuah dingin khua tlun zong a ngah rih lai lo.

“Mah bantuk cun; biakinn ah i pumh, Ningani muslim thlacam, rawl hrawmnak puai tuah, tbk., pawl zong onh an si rih lai lo.

“Tuah onh lomi cazin tling cu Rammi Himnak Zung (NSC) website ah zoh khawh asi.

“Rianṭuannak nawl onhmi company vialte nih cozah nawl chuahmi ‘rianṭuan tik zulhphung’ nan zulh hrimhrim lai.

“Nikhatni thokin, restaurant pawl ah rawl ei onh asi cang lai. Nain, cabuai pawl cu pe 6 hlat in nan chiah hna lai. Cabuai nih a tlum zat lawng dawr chungah minung nan luhter hna lai.

“Covid-19 zawtnak ngei pakhatkhat an um sual cun an pawngkam mi vialte cozah nih kan hlat khawh colhnak hnga, restaurant pawl nih nan customer min cazin nan lak dih hrimhrim lai.

“Tangka liamnak counter zongah pe 3 hlat in dirnak caah ṭuang ah ri nan rin hrimhrim lai.

“Tangka liamnak counter ah kutthianhnak sanitiser le kutṭawlnak sinks pawl ah chapiat a za dingin nan chiah hrimhrim lai.

“Rianṭuantu pawl zong hmaihuh/mask nan i hruk hrimhrim lai, asi khawh ahcun customer pawl taklinh zong nan tah hna lai.

“Restaurant le rawl phorhnak mawtaw/truck company rianṭuan vialte zong nih mah ning te cun nan tuah ve lai.

“Boss te nih rianṭuantu vialte voi 1 ah ṭuanter dih loin suimilaam ṭem in ṭuan caan tuakpiak hna uh.

“Nan rianṭuantu vialte ni fatin nan check peng hna lai. Cun, inn in ṭuan khawhmi rian pawl cu inn in ṭuannak nawl nan pek hna lai.

“Nuva ningin rianṭuanmi cu nan fale daihthlanh awk an ṭhat lo caah ni 1 dan in ṭuan nan i chang lai.

“Nan vansan tuk lawngah nau umhnak ah nan chiah hna lai. Mah lo cun ni 1 dan in rianṭuan i chang ulaw inn ah zohkhenh hna uh.

“Cozah rianṭuan pawl cu an mipum um a herh lo paoh ahcun inn in an ṭuan dih lai. Meeting tuah nan duh zongah online in tuah uh,” ati.

Malaysia um Chinmi cu restaurant, dawr hngah, wiring, airconditioning bunh/remh, lo rian, inn sak, tbk., rian pawl ah a ṭuanmi kan tambik.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -