Malaysia cu February Thla Dongh ah COVID Kakuaisi Kan Ngah Lai: PM

- Advertisement -

February thla dongh ah Pfizer sin in a khoh 1nk COVID-19 kakuaisi kan ngah lai, tiah Malaysia ram hruaitu PM Muhyiddin Yassin nih a thanh. 

“Kan ram Ngandamnak Vuanci Zung tangum Rampi Kakuaisi Upadi Zung nih Pfizer sermi COVID-19 kakuaisi cu hman dingin a cohlan cang.

“Kakuaisi kan ngah cangka in rianrang tein kan chunh khawh colhnak hnga, Ngandamnak Vuanci Zung nih ‘rammi COVID-19 kakuaisi chunhnak simanking’ a tuah cang.

“Kan ram ah COVID-19 zawtnak a thian khawhnak hnga, kan rammi 60% in 70% kar (20-23 million) tal cu kakuaisi chunh an hau.

“Atutiang ahcun, Pfizer le AstraZeneca company he min kan thut cang i kan rammi 40% caah kakuaisi ngah ding cu a fiang cang.

“Mah pinah, kakuaisi company dang; Sinovac, Cansino le Gamaleya zong cawk dingin kan hal hna lio asi. Kan ram milu 80% (26.5 million) tal kakuaisi chunh dingin kan i zuam cuahmah.

“Cun, China sermi kakuaisi zong kan rammi sinah kan hneksak cuahmah ve lio asi. January 21 in sizung 9 ah a donghnak bik khoh 3nak kan hneksak lai.

“Khoh 1nak ahkhan kan rammi minung 3,000 sinah kan hneksak. Mah kakuaisi hi ramdang ahcun kan ram hi minung tambik sinah a hneksakmi kan si. Kakuaisi cu Medical Biology Chinese Academy of Medical Services, China (Imbcams) nih a sermi si,” ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...