Malaysia cozah nih raikhamsi voi 2 ning tein aa chun cangmi caah hitin lockdown zulhphung a dorh

- Advertisement -

Malaysia ram hruaitu PM Muhyiddin Yassin (hmanthlak) nih tu zaanlei ah, “COVID-19 raikhamsi voi 2 ning tein aa chun cangmi pawl caah lockdown zulhphung kan dorh,” tiah atanglei bangin thawngthanh.

Thaizing kiptuh August 10 thokin atanglei hna hi dorhpiak nan si cang, ati.

Raikhamsi voi 2 ning tein aa chun cangmi pawl caah “rampumpi” ah zulhphung dorhmi

1. Peng dang silole state dang ah ummi nuva i tlawn khawh si cang

2. Kum 18 tang fa a ngeimi nulepa nih peng dang le state dang um an fale an tlawn khawh cang hna

3. Muslim biakinn, thlacamnak inn le biaknak dang biakinn vialte ah pumh khawh asi cang. Nain biakinn kutka hram ah ‘raikhamsi voi 2 ning tein nai chunhnak certificate’ na piah hna lai.

Theih ding: Voi 2nak nai chunh in ni 14 a tlin hnu lawngah “voi 2 ning tein aa chun cang” tiin relpiak asi. Ni 14 tlin rih lo ahcun ngah rih lo.

Ram Damnak Simanking (lockdown) dot 2nk ah ṭum cangmi state pawl lawngah dorhmi

1. Restaurant ah rawl ei khawh si cang – Ei cu ngah ko nain a herh lawngah ei ulaw a herh lo ahcun i kalpi (bungus/takeaway) rih ulaw ṭha, ati

2. Peng dang kal khapmi kha on asi cang. Kal ngah cang.

3. Khat le khat i hnor hau lomi lentecelhnak/sports pawl tuah khawh asi cang.

4. Nan state chungah nan duhnak paoh vah/tlawn khawh dih asi cang.

Theih ding: Ram Damnak Simanking dot 2nak ṭum cangmi state 9 lawng an um rih:

  1. Kelantan
  2. Terengganu
  3. Pahang
  4. Perak
  5. Penang
  6. Sabah
  7. Perlis (anih cu dot 3nak tiang ṭum cang)
  8. Labuan (dot 3nak tiang ṭum ve cang) le
  9. Sarawak (dot 3nk) hna an si.

Chinmi tambik kan umnak:

  1. Selangor,
  2. Kuala Lumpur,
  3. Negri Sembilan,
  4. Johor,
  5. Melaka le
  6. Putrajaya cu Ram Damnak Simanking dot 1nk ah an um peng rih caah ‘rampumpi dorhmi’ lawng khi kan tuah kho rih.

Ram Damnak Simanking cu zei si?

Malaysia cozah nih COVID-19 pulrai ruangah lockdown a tuahmi hi “Ram Damnak Simanking (National Recovery Plan)” tiin a auh.

Ram Damnak Simanking (lockdown) cu dot 4 in a ṭhen. Mizaw tambiknak state pawl kha fak bikin lockdown a tuah hna i dot 1nak ati. Mizaw an zor deuhnak state pawl dot 2nak ah nan ṭum ati hna i khapmi/zulhphung a dorhpiak hna.

A tawifiannak cun, dot 1nak hi lockdown fak bik asi. Mizaw an zor hnu ah a dorh i dot 2nak ati. An zor deuh in a dorh deuh rih i dot 3nk, an um huaha lo tikah a dorh chinchin lai i dot 4nak si te lai.

Acunglei langhtermi 6 khi cu mizaw an tam chiahru nak an si caah lockdown fakbik dot 1nak ah an um peng rih.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...