Malaysia cozah nih raikhamsi chunh dingin UNHCR sinah ralzaam min cazin a hal

- Advertisement -

Malaysia Ramchung Vuanci Pu Hamzah Zainuddin (hmanthlak) nih, “Ralzaam pawl COVID-19 raikhamsi chunh dingin UNHCR sinah min cazin le an konglam kan hal,” tiah media sinah a chim.

“Kan ram ah UNHCR card aa tlaihmi 178,715 an um nain khuazei dah an um ti kan hngal lo.

“UNHCR nih an min, phone number le an umnak address, tbk a dikthlir in a kan pek khawh ahcun, cozah nih COVID-19 pulrai hloh dingin mi vialte raikhamsi chunh dih kan i timhmi hi a tlamtling deuh lai,” tiah media sin MCO 3.0 zulhphung thawngthanhnak tuah lio nizaan ah a chim.

Liamcia kum pawl zongah, Malaysia cozah nih ‘kan ram himnak caah ralzaam vialte an min, phone number le address hngalh dih kan duh, kan pe’ tiin UNHCR a rak hal lengmang, nain ralzaam pawl a tlaih hna lai i an ramah a khirh dih hna lai ti a phan caah a pe duh bal lo.

“Kan ram ah COVID-19 raikhamsi chunh hau ramdangmi ting 25 (2.5 million) an um. Thongtla, an ramah kuat dingin Lahwahkah Thong ah hrenmi, UNHCR card aa tlaihmi, cozah le adangdang pekmi card aa tlaihmi pawl an si hna.

“Ramdangmi pawl COVID-19 raikhamsi chunh viar hna dingin Rampumpi COVID-19 Raikhamsi Chunhnak Vuanci Pu Khairy Jamaluddin he kan i bawm lai.

“Kan sang le khua ah COVID-19 pulrai a thian khawhnak ding ahcun Malaysia um ramdangmi zong pakhat hmanh bau loin raikhamsi chunh dih an hau ti hi Malaysia rammi nih theithiam hna seh ti ka duh.

“Malaysia ah umnak card/catlap a ngei lo ramdangmi pawl cu an ram kir an duh ahcun ni kum ah cozah nih kan tuahmi kirnak program ‘Return Recalibration Programme’ sok khawh asi,’ ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...