16.3 C
Hakha
Sunday, August 1, 2021
- Advertisement -

Ṭial Tharmi

Malaysia Cozah nih Phungninglo Ramdangmi Pawl Rianṭuannak Nawl Pek a Timh Hna

Malaysia cozah nih a ram um phungninglo ramdangmi pawl cu phungning tein rianṭuannak nawl le mah lungtho tein chuahkehnak ram kirnak nawl pek a timh hna.

Ramchung Vuanci Pu Hamzah Zainudin nih, “Phungninglo Ramdangmi Remhnak Simanking kan tuah lai i;

  1. Kirternak Simanking – Phungninglo ramdangmi pawl cu anmah lungtho tein an chuahkehnak ram kirnak nawl kan pek hna lai, cun
  2. Rianṭuannak Simanking – Rianṭuan a duhmi cu phungning tein ṭuannak nawl kan pek hna lai,” tiah a chim.

Mah simanking cu hmai zarh Nikhatni (November 16) in aa thok colh lai i June 30, 2021 tiang asi lai.

“Mah simanking cu Lahwahkah Zung le Rianṭuan/Alohtama Zung nih an tlaih lai. Puaisa pakhat hmanh kan hmang lai lo.

“Cucaah, mah simanking ah tel a duhmi phungninglo ramdangmi le rianpetu/boss pawl nih mah zung 2 lawnglawng ahcun nan sok lai.

“Lawlawse cu, 3D kan timi;

  1. ṭihnungmi (dangerous)
  2. a harmi (difficult) le
  3. a thurhnawmmi (dirty) rian a ṭuanmi lawng nih sok khawh asi rih lai. 3D rian pawl cu; saknak (construction), sehzung, cinthlaknak le saṭhil zuat rian pawl an si.

“Mah rian pawl phungninglo ramdangmi ṭuannak nawl kan pek hna thawngin Malaysia rammi caah rian a tlawm deuh hlei lai lo. Rammi cu usa pek peng an si ko lai.

“Cun, mah simanking cu cozah zung nih an tolrel dih lai caah cozah nih a hlei in tangka kan dih lai lo.

“A ngaingai ti ahcun, mah simanking a soktu phungninglo ramdangmi le an boss pawl dan kan tatmi le sok man kan lakmi hna in tangka RM95 million hrawng kan ngah lai.

“Mah simanking kan tuahnak a ruang cu, COVID-19 pulrai ruangah kan ram sipuaizi a tlami ṭhanchoternak caah le phungninglo ramdangmi zorternak caah asi.

“Tanzung pawl le company ngeitu pawl he tonbiaruahnak kan ngei chap lai i mah simanking kong cu tling deuh in kan thanh ṭhan te lai.

“Mah simanking kan tuah lai caah, work permit in ramdangmi rianṭuantu lak kan phihmi kha phih peng asi rih ko lai.

“Cun, June 30, 2021 hnu cun Lahwahkah Zung nih phungninglo ramdangmi tlaihkhihnak fak taktak in a tuah thluahmah cang lai,” ati.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -