Malaysia cozah nih Kawlrammi 15 telhin ramdangmi 102 a tlaih hna

- Advertisement -

Nirukni ahkhan Malaysia cozah nih Kuala Lumpur khuapi pawnghrawngah phungninglo ramdangmi tlaihkhihnak a tuah i Kawlrammi 15 telhin ramdangmi 102 a tlaih hna.

“Tlaihkhihnak cu zaanlei sml 4 in kan thok i Taman Desa Petaling, Kotaraya Complex, Taman Miharja, Jalan Alor le Bukit Jalil ah tlaihkhihnak kan tuah,” tiah Kuala Lumpur khua palek bawi Datuk Seri Mazlan Lazim nih a chim.

“Kan tlaihmi pawl cu Bangladesh (35), Myanmar (15), Indonesia (26), India (3), Pakistan (6), Nepal (13), Syria (3) le Nigeria (1) hna an si.”

“Anmah pawl cu Malaysia ram ah phungninglo in an um, an passport nithla a thih hnu tiang an um, visit visa in an ra i rian an ttuan. Cucaah, Lahwahkah Upadi 1959/63 Dal 6 (1) (c) in taza kan cuai hna lai.”

Malaysia puchong ah Myanmar puaisa 1 le Myanmar rammi 10 an tlaih hna

“Cun, Kuala Lumpur khua chung i innsaknak hmun ah tangka thap in game aa celhmi Malaysia rammi 2 le Bangladesh rammi 4 zong kan tlaih chap hna.”

“Game celhnak thilri le tangka RM2,118 zong kan chuh hna. Tlaihmi dihlak cu Jinjang Central Lockup ah kan kuat hna.”

“Kan ram chungah phungninglo ramdangmi le sualnak a zornak hnga nifatin tlaihkhihnak kan tuah peng ko lai.”

“Nan pawngkam ah phungninglo ramdangmi an um ti nan theih ahcun Kuala Lumpur Police Hotline 03-2146 9999 silole lam neihbik palek sakhan ah thawngthanh khawh a si,” tiah Mazlan nih a chimchap. – Bernama

Follow US

102,148FansLike
53FollowersFollow
731SubscribersSubscribe

Ṭial Tharmi

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.

Mara nih VP Pu Henry Van Thio sinah hitin ca an kuat

CNLD candidate simi Saya Rung Kaw nih naite Mara ram a tlawn lio ah an lam sul le mipi thinlung a hmuh...

Hakha rawl dawr ah tthut khawh si ti lo

Hakha khuapi ah Covid-19 vennak caah zawtnak karh a fawinak rawl dawr le lakphak dawr pawl ah tthut in ei khawh si...
- Advertisement -