23.7 C
Hakha
Thursday, June 24, 2021
- Advertisement -

Ṭial Tharmi

Malaysia Covid-19 case thar 7 lawng a si, tthat lei a panh

Tunai te ah Malaysia Ngandamnak Zung i Director-General Datuk Dr Noor Hisham Abdullah nih Covid-19 kong ah thawngthanhnak a tuah i June 8 ah Covid-19 mizaw thar 7 an um a ti.

Malaysia cozah nih MCO a chuah hnu in atu ni hi Covid-19 mizaw thar a tlawmbik a si.

Cucaah, tuni mizaw thar he cun ram pumpi ah zawtnak ngeimi dihlak 8,329 an si.

Tuni hmuhmi mizaw 7 lakah 2 cu ramdang in Malaysia ah a kir i zawtnak ngeimi an si i 5 cu ramchung ah aa chawnmi an si.

Tuni Malaysia ah Covid-19 mizaw thar 16 telawng an si
Malaysia Ngandamnak Zung i Director-General Datuk Dr Noor Hisham Abdullah

“Tuni ah Covid-19 in a dammi 20 an um. Malaysia ram Covid-19 a umka in nihin tiang a dammi dihlak 6,694 an si cang,” tiah Dr Noor nih a chim.

Cun, sizung ah Covid-19 zawtnak in a ummi liomi hi mizaw 1,518 an si. ICU ah mizaw 6 an um, pakhat cu ventilator bunh a si.

“Tuni ah Covid-19 in a thimi an um lo. Ram pumpi ah zawtnak in a thimi 117 an si.

“Malaysia ramchung in zawtnak ngei hmuhmi 5 lakah 2 cu Sepang um case 8,294 nih a chawnhmi hna an si. Pakhat cu Bukit Jalil lahwahkah thonginn in a si. Pakhat cu Likas peng um Nu le Ngakchia sizung ah a ummi a si. A dang pakhat cu Sabah state i Kota Kinabalu khua ah a ummi a si,” tiah Dr Noor nih a chimchap. –

“Covid-19 damnak sii (vaccine) a um lo zongah a poi lo. Covid-19 hlan ah a ummi MERS-CoV le SARS zawtnak zong atu tiang damnak sii a um rih lo nain zawtnak karh lo in ven khawh a si ko. Zulh phung SOP ttha tein kan zulh ko ahcun Covid-19 zong hi karh lo in kan tei khawh ko lai,” tiah Dr Noor nih nizaan ah a chim. – The Star

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -