Tuni May 19, 2020 ah Malaysia ah Covid-19 zawtnak ngeimi 37 hmuhchap an si i ram pumpi ah Covid-19 zawtnak ngeimi dihlak 6,978 an si tiah Ngandamnak Vuanci Zung nih a thanh.

Malaysia Ngandamnak Vuanci Zung director-general Datuk Dr Noor Hisham Abdullah nih “tuni mizaw thar hmuhmi lakah 2 cu ramleng ah aa chawnmi an si i a tangmi ramchung in aa chawnmi an si,” tiah a chim.

Cun, tuni mizaw hmuh tharmi 37 lakah 22 cu ramdangmi an si. Nain, zei rammi ti a chim lo.

Dr Noor Hisham nih tuni ah Covid-19 zawtnak in a thimi 1 a um i a thimi dihlak 114 an si cang tiah a thanh fawn.

Tuni a thimi pakhat cu kum 77 simi Malaysia nu a si i thikai, zunthlum le thin lei zawtnak ngeimi a si.

Cun, tuni ah Covid-19 in a dam i sizung in ttintermi minung 31 an si. Malaysia ram ah Covid-19 zawtnak a um ka in tuni tiang a dammi minung 5,646 an si.

Covid-19 zawtnak in atu lio sizung ah a ummi hi mizaw 1,218 an si, ICU ah mizaw 11 an um i mizaw 6 cu ventilator bunh an si. – The Star

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.