23.7 C
Hakha
Thursday, June 24, 2021
- Advertisement -

Ṭial Tharmi

Malaysia: Christmas Acu le Christmas Ni ah Pumh Khawh Asi

Malaysia cozah nih, “Khrihfa pawl cu Christmas Acu (December 24) le Christmas ni (December 25) ah pumhnak nawl kan pek hna,” tiah thawng a thanh.

Sinain, minung tampi pumh khawh asi lo pinah duh caan paoh ah pumh a ngah lo.

Christmas Acu (December 24) cu zaanlei 5pm in 9:30pm kar lawngah pumh onh asi. Pumh caan cu voi 2 in nan ṭhen lai, voi 1 ah suimilaam 1 le cheu chung lawng pumh khawh asi. Minutes 45 chung biakinn thianh hnu lawngah avoi 2nak pumh khawh asi. Voi 2 lawng pumh onh asi.

Christmas Ni (December 25) cu zingka 7am in zaanlei 1:45pm kar lawng pumh onh asi. Mah caan chung ahcun suimilaam 1 le cheu sau in khoh 3 pumh khawh asi. A karlak ah minutes 45 chung peng biakinn nan thianh lai.

Cun, voi 1 pumh ah biakinn khat in minung tampi pumh a ngah lo. Hmasa ah cozah nih Khrihfa biakinn pawl pumh a onh lio i COVID-19 zulhphung (SOP) kha zulh asi lai.

Khat le khat pe 6 hlat in ṭhutdir ding, biakinn kutka ah taklinh tahnak le min le phone number ṭialnak siloah QR code chiah ding, khat le khat i hnor lo ding, tbk., pawl kha zulh dih asi lai.

Biakinn 1 ah minung zeizat dah pumh khawh si ti cu biakinn hmetngan cungah aa hngat. Mizaw umlonak le tlawm deuhnak hmun; Green, Yellow le Orange Zones ah ummi pawl cu pe 6 hlat in minung a tlum zat pumh khawh asi. Nain, zei tluk biakinn a ngan zongah minung 300 pin cu a ngah lo.

Mizaw tambiknak Red Zone hmun pawl ahcun zei tluk biakinn ngan zongah minung 30 lawng pumh khawh asi.

Chinmi tambik kan umnak Kuala Lumpur le Selangor cu Red Zone an si caah minung 30 cung pumh a ngah lo tinak asi.

Chungkhat le Hawikom he Inn ah I Pumh

Hi cu Christmas Ni (December 25) lawngah cozah nih a onh. Landed Properties (dot 2 le dot 1 inn) pawl ahcun minung 20 tiang i lenkai le Christmas tuah khawh asi.

Apartment le Condominium hme deuh (1,500 square feet tang) paoh ahcun minung 10 tiang lawng a onh. A ngan deuhmi 2,5000 square feet inn ahcun minung 15 tiang a onh.

Mah hmanh cu, hmaihuh (mask) nan i hruk dih lai pinah biakinn bantukin khat le khat aa hlat piin nan um lai.

Rikhiahmi milu lonh a ngah lo. Rikhiahmi nan buar ahcun cozah nih an tlaih hna lai.

Acunglei kan langhtermi vialte hi CMCO le RMCO hmun lawngah onh asi. EMCO hmun ahcun a ngah lo. EMCO ah ummi ah anmah chungkhar lawngin tuah a ngah. Hohmanh lenkai a ngah lo. Biakinn kal zong ngah lo.

Cun, Malaysia rampumpi khuazei hmanh ah, inn khat hnu inn khat kal in Christmas hla sak (Christmas Vah silole Christmas Carolling) a ngah lo.

Asi khawh ahcun pumh lo a ṭha deuh. Kannih cu ramdangmi kan si pinah cozah sinah biakinn license a ngei lomi kan si fawn caah pumh lo a ṭha deuh.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -