Malaysia Chinmi Zong Nih Theih Ve Awk Tu Lio MYRC Card Kong Tawi

crc

06/06/2018 zaan lei ah a mah MYRC zung umnak Bangsar ah meeting kan ngei. Meeting akai mi hi community i hruai tu pawl le an mah MYRC i CEO asi mi, amin ah Mr. LEONG ti mi asi. Kan meeting cu unofficial meeting lawng asi rih.

Mah chung ah atawi fian deuhnak in ka rak tial lai.

Mah MYRC hi cozah nih theih pi mi asi. Cozah parliament nih approval a tuah i, ram chung vuan ci (Home ministry) nih atheih pi mi asi. Asinatein, card pakhat sawh lawng asi lai. Tahcgunhnak ah Malay ram mi nih IC an i ngaih le zei an tuah paoh ah kha IC kha hmuh ter i tuah duh mi kha chim le sok asi, kha ban tuk in khan MYRC card kha zei tuah paoh ah hmuhsak an hau ve lai.

Mah card in hin rian tuan tah phungning tein tuan angah ma ti tik ah angah lo ati. UN card zong hi riantuan cu angah lo nain kan tuan thiam. Cun hi card in kan tuan ah cun UNHCR cardnak in tlawm pal aa hlei hnga ma ti ruah awk cu a um.

Sok tik ah thla 1 hi caan arau tawn nain thla 2 tiang arau kho asau bik ah. Thil ngaihchiah, tahchunhnak ah inn lo/ mawtaw hei ti ban tuk cawk khawhnak cu asi lo. Asinatein khualtlawnnak vanlawng ticket pawlban tuk khi cu cawk khawh ve asi ko.

Kum 0-17, cun kum 60 in acung lei pawl hi free in ser piak an si. Kum 18-59 hi card ser man ah kum 1 ca RM 500 a dih lai.
Card ser tik ah phun 3 in then asi.

1. UN card ngei cang mi.

2.Asylum seeker card aatlaih mi (Catlap aatlaih mi pawl kha)

3.Zei hmanh angei lo i community card aatlaih mi ti in then asi.

Cun MYRC card ngeih ah cun tlaihkhih hi Kuala Lumpur chung ah cun aluat lai. Kadang lamhlatnak ahcun chim khawh asi lo, aruang cu mah hi an ser ka asi tikah thawng izamhnak achan bau kho rih i an theih lo sual ah cun tlaih khawh asi. Card ahnu lei ah Palek bawi nih minthut piak mi a um ve.
Tlaihkhih hi aluat kho dih lai ma ti ah kan hal tik ah fiang te in achim kho ve rih lo , atu acung lei ka tial cia mi lawng kha achim khawh mi asi.

Cun dam lotik ah sizung um tik i thlopbulnak a dih mi kha hnaarcheu man thumh khawh asi ve.

Sok tik ah community card lawng angei mi caah cun mah le community zung nih catial piak lawng ah angah lai. Mah kha MYRC zung nih cozah sin ah a up piak hnu thla 1-2, Home minister nih azoh fel hnu ah card chuah khawh asi te lai.

Bank le Mawtaw mawnghnak licence te pawl tuah angah le ngah lo cu kan hngaak rih uh, atu lawng kan thok ka asi le ahnu ah a kan ti.

Hi card hi iser hnu ah tlun duh tik zong ah immigration he zei apoinak a um lo ati chap. Kawl ram Palai( Embassy) zung he zei hmanh pehtlaihnak tuah a um lai lo ati rih.

Mah vial in si rih seh. Acung lei i katial cia ban tuk in kan i ton biaruahnak hi phungning ( unofficial meeting) asi rih lo caah ahnu ah kan itong chap te hna lai ati i cu tik kan iton dih hnu ah thawng tling deuh in thanh khawh kan izuam te lai.

Atu tiang ah milu 4000(thong li) an iser cang le thong hnih(2000) hi card an hmu cang. Cu chung ah 55% hi free an si an kum ruang ah.

Ituah uh ituah hlah uh ti ding ah atuan deuh rih ngai. Cu caah asi khawh chung thawng pang fianh khawh kan rak izuam thluahmah lai.

Thawngthanhtu: CRC Malaysia

Leave a Reply

Your email address will not be published. Required fields are marked *