9.9 C
Hakha
Friday, November 27, 2020

COVID-19

Vawleipumpi
61,605,750
A zawmi
Updated on November 27, 2020 5:36 pm
Vawleipumpi
1,443,396
A thimi
Updated on November 27, 2020 5:36 pm
Vawleipumpi
42,130,729
A dammi
Updated on November 27, 2020 5:36 pm

“Malaysia Chinmi October 22 in Riantuan Ngah Ti Lai Lo” Timi cu a Dik Lomi Si

Advertisement

Thaizing, “October 22 thokin Malaysia um Chinmi pawl cu rianṭuan a ngah ti lai lo,” tiah Laimi cheukhat nih thawng dik lo an thanh caah mi tampi lungrawk tukin nan um i cheukhat nih The Chin Express sinah “a dik maw?” tiin na kan hal.

A dik lomi si. Malaysia cozah nih “October 22 thok in zung rianṭuan ting 10 deng cu inn in nan ṭuan cang lai” tiin thawng a thanhmi kha Chinmi cheukhat nih pingpalo in an kuaihmi asi.

“Thil Zei Mawzat Tuah Kan Khap (CMCO) nak Kuala Lumpur, Selangor, Putrajaya le Sabah um private company zung le cozah zung rianṭuan ting 10 deng cu October 22 thokin nan inn cio in rian nan ṭuan cang lai,” tiah Malaysia Runvennak Vuanci Pu Datuk Seri Ismail Sabri Yaakob (hmanthlak) nih thawng a thanhmi si.

Rian an ṭuan lai lo tinak asi lo. Annih rian pawl cu computer le online in a langpar in ṭuan khawhmi an si caah an inn cio in an ṭuan lai tinak asi.

Cozah nih hitin nawl a chuahnak a ruang cu COVID-19 zawtnak a karh tuknak hnga lo lam le zung ah minung tlawm deuh hna seh ti a duh caah si.

Minung ting 10 dengmang cu private company zung rianṭuan ting 8 le cozah zung rianṭuan ting 2 hrawng an si.

Malaysia um Chinmi cu zung ah a ṭuanmi kan um lo ti khawh asi. Restaurant, dawr hngah, wiring, airconditioning, workshop, tbk. a hmun ah mipum um a haumi lawngte an si caah atutiang cu cozah nih a khap lo.

Chinmi cu phungninglo in ummi kan si caah rianṭuan ngah ti lai lo, a timi zong an um. An ruah palh i si. Chinmi cu Malaysia kan phak ka in nihin tiang phungninglo in kan um peng i phungninglo in kan ṭuan peng ko. “Zung rianṭuan pawl inn in an ṭuanter hna ruangah phungninglo in ummi kan si i rian kan ṭuan kho ti lai lo” ti cu zeihmanh aa sai lomi si.

Mah thawngpang hi The Chin Express nih October 20 ah kan hmuh ko nain Chinmi caah zeihmanh dawntu asi lo caah kan leh lomi asi.

Nain, Chinmi cheukhat nih phun dangpi in an kuaih i minung tampi lungrawk tukin nan um caah atu bantukin fianternak kan tuah hi si.

Zung rianṭuan minung ting 10 dengmang cu CMCO a dongh hlan tiang an inn cio in an ṭuan peng lai. Atutiang ahcun CMCO cu October 27 tiang lawng asi caah an sauh lo ahcun ni 6 chung te lawng inn in an ṭuan lai tinak asi. An sauh sile an sauh tiang paoh si ko lai.

SHARE cio usih – lungrawk tukin a ummi pawl nih an hmuh cio nak hnga. Atu lio cu pulrai liopi si caah ahopaoh thinlung a der cio lio asi, cucaah thawngpang thanh i ralring cio hna usih.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

COVID-19

Vawleipumpi
61,605,750
A zawmi
Updated on November 27, 2020 5:36 pm
Vawleipumpi
1,443,396
A thimi
Updated on November 27, 2020 5:36 pm
Vawleipumpi
42,130,729
A dammi
Updated on November 27, 2020 5:36 pm
- Advertisement -