15.6 C
Hakha
Sunday, June 20, 2021
- Advertisement -

Ṭial Tharmi

Malaysia Chinmi 73 Tlaih Tong, UNHCR Sinah Bawmh Hal

Covid-19 zawtnak karh hlah seh tiin Malaysia cozah nih lengchuah a khap (MCO) thokin Chinmi 73 tlaih an ton cang caah ‘chuah dingin’ Chin ralzaam bu 5 komh (ICC) nih UNHCR sinah bawmh a hal.

ACR Chairman James Bawi Thang Bik nih, “73 chungah 25 hrawng cu an chuak cang. A chuak kho rih lomi lakah nu zong an i tel,” tiah The Chin Express ah a chim.

Chin Refugee Committee (CRC) in thongtla bawmtu Saya Lian Kul Sang @Pakulh nih, “minung 25 cu kan chuah khawh cang hna nain, cheukhat cu biaceihzung nih tangka dantat le thongdan pek pinah Kawlram kuat dingin Lahwahkah Camp ah a kuatmi zong an um,” tiah The Chin Express ah a chim.

“April 6 ahkhan palek nih keimah sinah thawngthanh loin Chinmi 10 cu PJ Biaceihzung ah taza an cuai hna i May 15 ah a ni an thawnpiak hna.

“Sihni kan hlanpiak hna i Laimi 3 cu kan chuah khawh hna nain May 15 ah Phaitu khuami (Tonzang peng) 7 cu Kawlram ah kuat dingin Semenyih Lahwahkah Camp ah an kuat hna. UNHCR card ngeimi zong an i tel.

“Biaceihzung nih tangka RM500 in RM1,000 kar cio le tlaih an ton ni in thla 1 chung thongdan a pek hna. Tangka cu an liam. Tlaih an tonnak thla 1 a tlin cang caah thongthlak loin chuah ding an si nain Kawlram ah kuat dingin camp ah a kuat hna hi si.

“UNHCR phone ka chawnh i UNHCR card a ngeimi he ngei lomi he an min le camp min ka kuat hnu ah UNHCR officer nih ‘kanmah nih kan chuah ko hna lai, Kawlram ah kuat dingin an auh hna ahcun UNHCR kan hngak lai rak ti hna seh’ ati. UNHCR nih a chuah khawh te ko hna lai tiah kan zumh.

“Cun, kanmah CRC nih bawmhmi Chinmi 3 zong atu hi Sungai Buloh Thong ah an um rih. Annih cu Kuala Lumpur Biaceihzung ah tazacuaimi an si.

“Taza an cuaimi hna case hi i vuankhan ahcun an in ding a fah caah kan vuankhan ter hna lo i June 11 le 15 ah biaceihzung ah chuahpi an si ṭhan lai. MCO nan buar tiin tlaihmi an si.

“MCO ruangah biaceihzung tampi an khar i Court 11, 12 le 15 lawng an on caah tazacuai an tonnak original biaceihzung ah ceih loin Court 11, 12 lole 15 ah ceih dih an si. Court 3 ahcun ni fatin biaceihtu an i thleng peng i a ṭhami he i ton lai/lo zong hngalh khawh asi lo.

“Nain, June thla ahcun biaceihzung tampi an on cang lai caah tazacuai an tonnak original biaceihzung ah chuahpi an si te lai i dantatnak neem deuh dingin kan tolrel khawh lai ti kan zumh,” tiah a chim.

James Bawi Thang Bik nih, “tlaihmi chungin acheu leng an chuah rih lo pinah, Chin chungkhar 400 hrawng an umnak Pudu sang zong cozah nih lockdown a tuah caah Chinmi tlaih an tong chap lai ti kan phang.

“Mah ruangah tuni ah UNHCR sinah ICC nih bawmhhalnak ca kan kuat.

“Seleyang le PJ hoi hna cu lockdown an tuah chungah phungninglo ramdangmi tam tuk an tlaih hna. Pudu um Chinmi mah bantuk an tong sual lai i Kawlram kuat an tong sual lai ti kan phan caah atu in UNHCR sinah tlaih tongmi a rannak in chuah dingin bawmh kan halnak asi.

“Cun, March 30 ah UNHCR nih ‘Malaysia ah ka minung hohmanh palek tlaih an tong lo’ tiin thawng a rak thanh. Mah ruang zong ahcun, minung 73 tlaih an ton cang ṭung tiin tuni ah bawmh halnak ca kan kuatnak asi,” tiah a chim.

Malaysia ah Chin ralzaam bu 5;

  1. Alliance of Chin Refugees (ACR)
  2. Chin Refugee Committee (CRC)
  3. Falam Refugee Organization (FRO)
  4. Zomi Association of Malaysia (ZAM) le
  5. Dai Community in Malaysia (DAI) an um. Malaysia um Chinmi 50,000 hrawng nih kan duhnak ralzaam bu sinah member card i tuah cio asi i palek tlaih le harnak kan ton tikah member kan sinak bu nih a kan tolrel. Member card a ngei lomi zong nih duhmi bu paoh bawmh hal khawh ṭhiam a si i a kan bawmh ṭhiam ko.

Thil ngan deuh tuah a hauh caan paoh ah ralzaam bu 5 cu Independent Chin Communities (ICC) tiin rian an ṭuanṭi i ICC min in UNHCR, NGO le cozah an pehtlaih tawn. Ralzaam bu 5 nih ICC President le hruaitu rian cu a changchang in an tlaih. CRC nih President a tlaih lio si.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -