Malaysia Chin ralzaam chungin Covid-19 zawtnak ngei an um len cang

- Advertisement -

Malaysia: Chin ralzaam chung in Covid-19 zawtnak ngeimi zong an um len cang.

Nangmah he a um ttimi zong Covid-19 zawtnak an ngeih sual ahcun lungretheih le ttihtuk ding si lo.

Atu bantuk caan ah a biapibik cu khat le khat i bawmh a si.

Cheukhat nih Covid-19 mizaw cu cozah nih la colh hna sehlaw Quarantine center ah chia hna seh ti an duh.

Nain, kan theih awk ah a herh ngaimi cu cozah nih rianrang in Covid-19 mizaw a rak la colh lai lo.

A ruang cu, anmah Malaysia rammi hmanh chiahnak hmun a za ti lo.

Cu ruangah, thawh khawh lo tiang dirhmun phanmi lawng sizung ah chiah an si lai. Cu lo paoh cu, Covid-19 zawtnak ngeih zongah mah inn te ah ni 10 chung um si lai.

Inn khat ummi hna nih Covid-19 mizaw pawng ah um tuk lo ding, mizaw zong nih mask i hruk peng ding le a herh lo ah innkhan leng chuah tuk lo a tthabik.

Cun, innkhan, innka le zunput tiang zuu (alcohol) in thiang tein thianh le hnawh ding si lai.

A hlei in ngakchia le tar pawl cu Covid-19 mizaw pawngah um ter hrimhrim lo ding si lai.

Covid-19 zawnak ngeimi Malaysia rammi pawl zong anmah le inn khan cio ah ni 10 chung an i erh hna.

A herh ahcun ambulance in rak lak khawh si nain zeitik ahdah an rat lai ti bal hngalh khawh si lo.

Nan inn ah Covid-19 zawtnak ngeimi an um ahcun a herhmi tirawl lawng pe ko hna. Tonghtham le biaruah hrial.

Mah vialte hi UNHCR he meeting kan tuahnak ah UNHCR lei nawl ngeitu nih ruahnak a kan cheuhmi a si. Atu bantuk caan ahcun khat le khat i bawmh a herh.

– James Bawi Thang Bik (ACR Chairman)

Covid-19 kong thawngthar

Tuni December 2 ah Malaysia ah Covid-19 mizaw thar 2,295 an hmuhchap hna. A dammi 3,321 an si. Covid-19 in a thimi 9 an um chap.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...