16.3 C
Hakha
Sunday, August 1, 2021
- Advertisement -

Ṭial Tharmi

Malaysia Boss Pa nih a Rianṭuan Kawlrammi 19 Myanmar Tanzung Hmai ah a Hlonh Hna, Tazacuai an Timh

Kuala Lumpur — Myanmar rammi 19 cu Malaysia boss pa nih an hmai ah a bengh hna i Myanmar Tanzung hmai ah a hlonh hna. Boss pa le agent (puaisa) cu Malaysia upadi in taza kan cuai hna lai, tiah Myanmar Tanzung nih a chim.

Myanmar Tanzung i rianṭuan Kawlrammi zohkhenhtu U Aung Zaw Min nih, “tazacuai kan timh hna lio asi. Malaysia boss le Malaysia agent nih ṭuanvo an lak hna lomi si caah Rianṭuan (Labour) Zung zongah kan kal cang,” tiah a chim.

“A rianṭuan pawl a ṭhawl hna ruangah Lahwahkah (Immigration) Zung zong thawng kan thanh cang. An hmai a bengh hna ruangah thaizing hi palek sakhan ah kan report rih lai.

“Rianṭuan pawl nih an temhtuar man an ngah khawhnak hnga le Kawlram an tlun khawhnak hnga zong rian kan ṭuan lio asi,” ati.

Kawlrammi 19 cu sehzung ah waringsaw (welding) rianṭuan dingin phungning tein sachoh he February 6 ah Malaysia a phanmi an si. Sehzung ah thla 1 RM3,000 in RM4,000 kar (Kawlram ting 10) nan ngah lai tiin agent nih a tiam hna nain Malaysia an phak tikah innsaknak (construction) ah a ṭuanter hna.

Lahkhah zong Malaysia upadi ning ah a tlawmbik RM1,200 nan pek hna lai ti asi nain boss he kan i ceih lio ah Covid-19 zawtnak a chuak i Tanzung hmai ah a kan hlonh hi si, tiah aa tel vemi Ko Than Hteik Aung nih a chim.

Covid-19 ruangah rian an ngol i rian ngei lo, tangka ngei lo le lengchuak kho loin an i erh.

Ko Than Hteik Aung nih, “May 30 zingka 11am ah Malaysia a phaknak sau ngai cangmi Ko Myo Min nih a kan auh. Nan thil i tom dih uh. Rianṭuan ding nan si cun kan auh hna lai, nan si lo cun Kawlram kuat nan si lai a kan ti. Zei ruangah? Boss ton kan duh kan ti nain a ngah lo a kan ti,” tiah a chim.

“Sehzung hmai ah a kan ṭansi ter. Boss cu a fung i put in a ra. Sehzung chung i Bangladesh pawl zong a auh hna i fung an i put ve. Kan lakah minung pakhat kha boss nih ho dah na si tiin a hal. Ko Naing Lin ka si a ti i zeihmanh chim loin a hmai ah a bengh.

“Kanmah minung 19 nih cun kan thil tom he lengin kan hngah. Caan tlawmpal hnu ah mawṭaw 2 in a kan phorh i Myanmar Tanzung lei ah a kan kalpi. Lam tanṭim ah Tanzung cu phone kan chawnh len nain ra hlah uh a kan ti. Nazi 2 le cheu hnu ah Tanzung kan phan. Tanzung hmai ah a kan ṭhumh i a kan kaltak,” tiah a chim.

Kawlrammi 19 cu rian an ṭuan thokin boss nih eidin a khaan piak bal hna lo ruangah eidin zong an harsa tuk i Malaysia um Kawlrammi Bawmtu Bu (Kawlrammi an si ve) nih rawl an pek tawn hna.

Hlonh tong Kawlrammi 19 cu an ngah awk simi an ngah hnu ah Kawlram kir an duh.

Malaysia ah phungning he ninglo he rianṭuan Kawlrammi ting 6 hrawng an um. Covid-19 ruangah rianrang in Kawlram kir a duh i Myanmar Tanzung sinah online in kirnak a soktu 800 hrawng an um, tiah Myanmar Tanzung sin in kan theih.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -