21.5 C
Hakha
Monday, February 24, 2020
More

    Malaysia: B4G programme soktu ramdangmi 50,000 dengmang an si cang

    Follow Us

    99,980FansLike
    441SubscribersSubscribe

    Ṭial Tharmi

    - Advertisement -

    Malaysia lahwahkah tuahmi phungninglo ramdangmi an ram kuatnak ‘Back For Good (B4G)’ programe ah August 1 in October 3 tiang a sokmi hi randangmi 49,472 an si cang.

    “B4G programme sokmi tambik cu Indonesia, Bangladesh, India, Pakistan le Myanmar an si,” tiah Malaysia Lahwahkah bawizik Khairul Dzaimee Daud nih a chim.

    “Kan ram ah phungninglo in an ummi nan rammi pawl kuat kan bawm uh tiin ramdang tanzung pawl kan ton tthan hna lai. Cun, lahwahkah nih B4G programme in phungninglo ramdangmi 200,000 tlunter kan timh hna ,” tiah Khairul nih a chim fawn.

    A hlan zongah Malaysia lahwahkah nih phungninglo minung an ram kuatnak ‘3+1 amnesty programme’ a rak tuah i dantat man ah RM300 a rak lak hna. Cun, caan zong a rak sauhpiak bal hna.

    Tu kum tuahmi B4G programme ahcun RM700 dan a tat hna pin ah December 31 leng cun sauhpiak a tim hna lo.

    Malaysia cozah nih tu kum January thla thok in October 3 tiang ram pumpi ah phungninglo ramdangmi 40,175 a tlaih cang hna.

    “Tu kum January 1 in October 3 tiang ram pumpi ah phungninglo ramdangmi tlaihkhihnak voi 13,589 kan tuah.”

    “Tlaihkhihnak kan tuah lio ah ramdangmi 159,372 kan check hna. Cu chungah phungning loin a ummi ramdangmi 40,175 le rian petu boss 992 kan tlaih hna,” tiah Malaysia Lahwahkah bawizik Khairul Dzaimee Daud nih a chim.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.