Malaysia ah UNHCR card aa tlaih Kawlrammi thah tong

Zahan zingka ah Penang state khualipi Butterworth um workshop pawngah Myanmar pa ruak an hmuh.

Workshop ngeitu pa nih zingka 8:30am ah dawr on a timh lio ah, plastic khuhmi Myanmar pa ruak cu dawr kutka pawngah a hmuh.

Myanmar pa cu Thing Soe Min, kum 36 asi i mah workshop ahcun a ṭuanmi si.

Palek bawi Noorzainy Mohd Noor nih, “mipa hi a rianṭuan hawi Myanmar rammi 2 nih an thahmi si lai tiah kan zumh. Myanmar rammi 2 cu an zaam cang,” tiah a chim.

“A zaammi 2 cu an min kan theih cang hna. Lainawn case in hlathlainak kan tuah lio asi,” ati.

Ruak cu a cal, hmur le kha ah hma tampi a um.

Thah a tongmi pa le a thattu tiin lunghrinhmi 2 hi UNHCR card aa tlaihmi an si.