Malaysia ah thlichia hrang i minung 5 an i hliam

Malaysia ah thlichia hrang i minung 5 an i hliam

Zahan zaan ahkhan Malaysia ram, Penang state ruah le thlichia nih an den i minung 5 an i hliam tiah Malaysian Meteorological Department (MetMalaysia) nih a thanh.

MetMalaysia nih Perlis, Kedah, Penang le Perak state pawl ah Nirukni zaantim 2am tiang thilchia le ruah a fah lai caah i ralring dingin mipi sinah thawng a thanh.

Penang island i Jalan Batu Ferringhi, Jeluton, Bayan Baru le Penang state khua chung i Tasek Gelugor le Seberang Jaya ah thingkung pawl an pur hna.

Thingkung purmi pawl nih motor tampi an nenh hna.

Meithat Zung rianttuan pawl cu rianrang in cu hmun ahcun an va kal i an va bawmh hna.

Penang International Airport innka thlalang zong thlichia ruangah a kuai dih. Hlei cheukhat zong an rawk.

Penang Island City Council nih mipi pawl innchung ah um dingin ralrin a pek hna. Thlichia nih inncung cih canphio a choih ruangah minung 5 an i hliam i Seberang Jaya Hospital ah an um lio a si.

Langkawi le Kedah state hmun cheukhat zong ah thlichia le ruah nih an den hna. _ NST

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.