Ralkap nih hramhram in cozah a lak/chuh ruangah ramdang um Kawlrammi pawl cu an umnak ram cio ah duhlo langhternak an tuah cio hna.
Malaysia ram zongah Kawlrammi tampi kan um i leng ah chuak in duh lonak langhter a tim/ruatmi hna sinah ACR chairman James Bawi Thang Bik nih a tanglei bangin a ttial.
Malaysia ah leng chuak in ralkap duh lonak langhter a duhmi hna sinah MCO a dih tiang hngak dingin ruahnak cheuh kan duh hna.
Kan theih dingmi cu Malaysia cu mi ramdang bantuk a si lo caah kan i ralrin ngai a hau.
Cozah nawl chuahmi MCO buar ruangah tlaih ahcun nawlnak tuah a fawi lo.
Cun, palek zong nih duh lonak langhter cu nawl an pe theng lai ka zum lo.
Cu lawng siloin Malaysia rammi zong an mit kan kem tuk lai.
Ralkap nih uknak an pek hlan lo paoh chung cu duh lonak langhter khawh a si ko.
MCO a dih hlan tiang cu online lawngin ralkap uknak cu do ko hna usih. MCO an dawrh silole a dih tik ahcun duh lonak langhter caan a phan te ko lai. – James Bawi Thang Bik (ACR Chairman)
