Malaysia Ah Pi Ngun Tha Hnem Nih Mual A Kan Liam Tak

Pi Ngun Tha Hnem

Khampat khuami Pi Ngun Tha Hnem nih tuni chun sml 12:30pm (Malaysia caan) ah hi vawlei nunnak in a kan liamtak.

Pi Ngun Tha Hnem hi khuhhrin zawtnak (Asthma) a ngeih caah Serdang sizung a phanmi si.

A zawtnak a zual tuk caah tu zingka ahkhan Serdang Sizung ah an kalpi nain chanh khawh loin chun sml 12:30 ah a thih hi a si.

“A ruak cu Serdang sizung ah a um rih ko. Nikhatni ah Sungai Buloh thlan hmun ah kan vui te lai,” tiah Chin Christian Fellowship (CCF) Chairman sin in kan theih.

A Kehlei Hnuk A Tlau Caah Serdang Hospital Cu RM22 Million Liamh Dingin Taza A Cuai Hna
Serdang Hospital

Pi Ngun Tha Hnem cu fa 2 ngeimi a si. Khampat khuami Pu Ni Ceu nupi a si.

Pi Ngun Tha Hnem te chungkhar cu Malaysia ram, Puchong khua, Tesco sang ah an um. Annih chungkhar hi ralzaam dirhmun in Malaysia ah khua a sa vemi an si.

Annih hi UNHCR ah min aa thuat mi (fraud case) ah an i tel ve caah atutiang US ram phan kho lo lungrawk ngai in a um vemi an si, mah lakah a fak bikmi ngaihchiatnak an ton hi cu ngaihchia tuk hringhran.

Tantakmi chungkhar Pathian tu nih in hnem ko hna seh. Nan ngaihchiatnak kan in hrawmpi hna.

Malaysia ram ah a nunnak liammi Chinmi hi 2,000 leng kan si cang lai tiah zumh a si.

Kawl Ralkap nih kum 50 leng chiahru tukin kan ram an uk caah rammi hna ramkip ah kan vai i kan i tinhmi ram hmanh kan phanh hlan ah hi bantukin kan nunnak a liam lengmang – minung cio kan chuahkehnak ram aa dan ruangah hi tluk kan tuar fah hi ngaihchia tuk hringhran.

Be the first to comment

Leave a Reply

Your email address will not be published.


*