October 7 ahkhan Malaysia ramri hngak ralkap nih phungninglo Myanmar rammi 23 a phortu MPV motor cu Kelatan state, Kampung Gual ah an tlaih.
“Chun sml 1.30 hrawng ah ramri hngak ralkap pawl cu ramri zoh dingin an i chawh lio ah lunghrinhmi MPV motor an hmuh.”
“MPV motor cu an dirter nain a dir duh lo i a kal chih hnu ah thingkung aa pah,” tiah BATALION 7 General Operations Force i officer Azhari Nusi nih a chim.
“Ramri hngak ralkap pawl nih palek an chawnh hna nain motor mong pa cu Golok tiva pawng burbuk lei ah a zaam. Motor chung kan check cu zeihmanh ngei lomi kum 18 in kum 49 kar pa 21 le nu 2 kan hmuh hna.”
“Phungninglo minung pawl cu Thailand ram in luhpimi an si i Malaysia ram an luh hnu ah Ipoh, Perak ah rianttuan dingin tthek an timh hna tiin kan zumh.”
“MPV motor chung hnulei tthutden cu an lak dih i tet taktak in an rak tthut ko cu kan hmuh hna,” tiah Azhari nih a chimchap.
Theihternak: Atu tan phungninglo tlaihkhih kong hi Metro nih cun Myanmar rammi a ti hna nain K! Online nih cun Vietnam a ti hna.
