Selangor state, Shah Alam khua ah Myanmar pa Zaw Thin nih a hawipa Michael (Myanmar pa) a thah i a zaam nain August 31 ahkhan Malaysia palek nih an tlaih khawh.
Zaw Thin le Michael cu Dataran Otomobil, Seksyen 15 ah a ummi Panasonic sehzung ah rianttuanmi an si.
“Thil sining a hmutu nih an chimnak ah, August 29 ah Myanmar pa 2 cu zuu an ding tti. A hnu ah bia an i al i an i vel.”
“Zaw Thin nih namte aa lak i a hawipa cu a paw ah a sawh. A hawipa a thah hnu ah a zaam,” tiah Shah Alam palek bawi chang Baharudin Mat Taib nih a chim.
Mithattu Zaw Thin cu palek nih taza an cuai. A nulepa nih an fapa caah mitthli he nawlnak an tuah nain upadi ningin tawlrel a si lai.
Nizaan ahkhan Shah Alam palek nih Kawlrammi bawmtu Kepong Free Funeral Services rianttuan cu ton kan in duh hna tiin phone an chawnh hna i an va i tong.
“September 1 ah Shah Alam khuapi i Seksyen 30 ah thi le hnai he miruak pakhat kan hmuh. A min kan hlat tik ah Myanmar rammi Nwe Oo @Michael a si” ti kha Shah Alam palek nih an rak chimh hna.
