Malaysia: Tuni chun sml 12.30 hrawng ahkhan Myanmar nu Ei Ei Phyo (kum 25) cu lam a tan lio ah motor nih a pah i a hmun ah a nunnak liam tiah The Star le NST nih an ttial.
George Town palek Soffian Santong nih “Ei Ei Phyo cu sehzung ah rian a ttuanmi a si. Jalan Sultan Azlan Shah in Pesta Pulau Pinang lei lam a tan lio ah Perodua Myvi motor nih a pah.”
“A pahtu hi college siangngakchia pa (kum 19) a si. A kehlei kutpi a kiak. Cun, a ttang aa hliam,” tiah a chim.
“Ei Ei Phyo cu a hngawng le ttang fak tuk in aa hliam caah a hmun ah a thi colh,” tiah a chim.
Palek nih 1987 Lam Upadi Dal 41(1) in thil sining an hlat lio a si. Motor accident a can lio a hmutu zong an kawl lio a si.
- Advertisement -
