Nizaan ahkhan Kuantan-Seremban kalnak lam KM134 ah chungkhar pakhat cu accident an tong i, motor mongtu hringtu pa Muhammad Noor Idham Ramli (kum 31) nih a hmun ah a thih tak hna.
A hnu ah hringtu nu Surawati Mohd (kum 33) nih Muadzam Shah Hospital ah a thih tak ve hna. An fale 3 zong an i khong i sizung ah an um.
An fa upabik hi Aryan Rizqy Muhammad Noor Idham a si i kum 6 lawng a si rih. A naule hi Areesh Razeen (kum 4) le Arfaan Rakeen (kum 2) an si i an nulepa nih mittthemh kar ah an thih tak hna.
Hringtu nu Surawati Mohd nih lorry he an i pah hlan ahhin a fapa hniang cu hnulei tthutnak ah a hlonh ti a si.
Hi chungkhar hna cu Kuantan in Seremban lei tlawn an timh lio ah an motor ke a nal i lam ral lei in a rami thilphor motor he an i pah. – NST
