Malaysia ah Kawlrammi pakhat amah tein aa that

- Advertisement -

Malaysia ram ah Kawlrammi pakhat amah tein aa that. Covid-19 zawtnak um chungah amah tein aa thatmi Kawlrammi 15 an si cang.

Malaysia ah Covid-19 ruangah harsatnak tongmi Kawlrammi lakah cheukhat cu Kawlram ah tlung kholo in an um lio ah cheukhat cu tlaih an tong.

Amah tein a nunnak aa lami zong an tam chin lengmang.

September 13 ah Mon state, Thaton peng ah a ummi Kum 21 pa cu amah le mah nunnak aa la.

“A thimi hi a min ah Han Zin Min ti a si. Palay Aung Myae agency in Malaysia ah rianttuan ah a rami a si” tiah Myanmar Tanzung rianttuan U Aung Zaw Min nih a chim.

Han Zin Min cu Melaka khua ah phungning tein rian a ttuanmi a si. Kum 21 lawng a si rih i, Kayin miphun a si.

A ruak cu Melaka khua ah a ummi Malaysia Kawlrammi bawmtu bu nih an tawlrel.

“September 13 zaan sml 7 hrawng ah rianttuannak in a rak tin. Zaanriah a ei dih hnu ah Kawlram phone a chawn. Mi ih hnu ah zunput ah a kal i hri aa awk.

“A hmun ah Malaysia palek le Covid-19 check tu pawl an rung phan. A ruak cu pumhlai dingin sizung ah an kalpi” tiah mibawmtu bu ah rian a ttuanmi Ko Myo Chit nih a chim.

September 12 ah Myanmar Tanzung nih Malaysia ram ah aa tapmi Kawlrammi 170 leng cu Kawlram ah a tlunter hna.

Naupawi, a ngandam lomi le lahwahkah thonginn ah thlakmi cheukhat zong an i tel.

“Naupawi hi 40 hrawng an i tel. CI cauk in minung 6,7 hrawng an i tel. Lahwahkah thonginn in minung 2 an i tel” tiah U Aung Zaw Min nih a chim.

Follow US

102,147FansLike
53FollowersFollow
731SubscribersSubscribe

Ṭial Tharmi

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.
- Advertisement -