24 C
Hakha
Monday, November 18, 2019
More

    Malaysia ah Kawlrammi accident an tong, 1 a thi

    Balakong khua ah a ummi Signboard le Electric mei bunhnak company ah rian a ttuanmi Kawlrammi 10 phortu motor cu November 1 zinglei ah accident a tong i a hmun ah kum 41 Min Min Oo a nunnak liam.

    Aa hliammi pawl cu Putrajaya Sizung ah an kalpi hna. Anmah chungah minung pakhat cu tuni ahkhan sizung in a chuak cang. Cun, atu tiang amah aa hngal rih lomi zong an um.

    Accident a canle cangka in Malaysia ram um Myanmar tanzung rianttuan le Kepong Free Funeral Services rianttuan pawl nih an va kal hnawh hna i a herhmi an va bawmh hna.

    A thimi Min Min Oo ruak cu a rauh hlan ah Myanmar ram ah kuat an timh.

    Signboard le Electric mei bunhnak company ahhin phungning tein rian a ttuanmi Kawlrammi 20 an um. Minung 10 cu hmun dang ah mei bunhpiak dingin an kal lio ah accident an ton hi a si.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.

    Na Rel Cang Maw?

    Ṭial Tharmi

    Facebook nih fake account 5.4 billions hrawng a thah

    Facebook nih, "tu kum chungah fake account 5.4 billions hrawng kan thah i, ngakchia hremnak le mahlemah thahnawnnak an tarmi million tampi...
    - Advertisement -