17.2 C
Hakha
Monday, July 26, 2021
- Advertisement -

Ṭial Tharmi

Malaysia ah Covid-19 ngeimi 9 an hmuh hna, a dammi 5

Malaysia Ngandamnak Vuanci Zung nih tuni ah Covid-19 kong thawng a thanh i Covid-19 zawtnak ngeimi 9 kan hmuh chap hna. Rampi ah zawtnak ngei hmuhmi dihlak 8,764 an si cang a ti.

“Zawtnak ngei hmuhmi 9 lakah 4 cu ramdang in a rung tlungmi an si i, a tangmi 5 cu ramchung ah aa chawnmi an si,” tiah Ngandamnak Zung director-general Datuk Dr Noor Hisham Abdullah nih a chim.

Ramdang ah Covid-19 zawtnak ngeimi 4 hna cu Singapore, Pakistan le Indonesia ram in a rung tlungmi an si hna.

Ramchung ah zawtnak aa chawnmi lakah 1 cu ramdangmi a si, 4 cu Malaysia rammi an si.

“Ramdangmi pakhat cu China ram tlung dingin Covid-19 aa testmi a si. Zawtnak hmelchunhnak a ngei i atu hi Sarawak sizung ah a um lio a si.

“Malaysia rammi 4 hna zong Sarawak state ah a ummi an si hna. Pakhat cu Mambong i Covid-19 mizaw tampi hmuhnak hmun ah aa pehtlaimi a si. Pakhat cu Bau sizung ah Covid-19 aa testmi a si. A tangmi 2 cu Kuching ah ummi Stutong he aa pehtlaimi an si.

“Atu hi Stutong ah a ummi wet market ah Covid-19 zawtnak ngeimi tampi kan hmuh hna,” tiah Dr Noor Hisham nih a chim.

Wet market ah rian a ttuanmi minung 218 an test hna. Cu chungah 5 cu ramdangmi an si. Atu tiang ah minung 56 result a fiang i cu chungah 2 cu Covid-19 an ngei. A tangmi cu result an hngah lio a si.

Tuni ah Covid-19 in a dammi 5 an si. Malaysia ah Covid-19 in a dammi dihlak 8,546 an si cang. A thimi dihlak 122 an si. – NST

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -