16.3 C
Hakha
Sunday, August 1, 2021
- Advertisement -

Ṭial Tharmi

Malaysia ah Covid-19 mizaw 871 an hmuhchap hna

Tuni Malaysia ram ah Covid-19 zawtnak ngeimi 871 an hmuhchap hna i zawtnak ngei hmuhmi dihlak 20,498 an si cang.

Covid-19 zawtnak ngei hmuhmi an tamtuk ve nain tuni ah zawtnak in a dam i sizung in ttin termi 701 bak an si ve.

Zawtnak aa thokka in nihin tiang a dammi 13, 262 an si cang.

Tuni Covid-19 mizaw thar hmuhmi lakah 5 cu ramdang in a rung lutmi an si. A tangmi mizaw 866 cu ramchung ah zawtnak aa chawnmi lawngte an si hna.

Suimilam 24 chung ah Covid-19 in a thimi 7 an um. A thimi dihlak 187 an si cang.

Atu lio sizung pawl ah Covid-19 in a zaw liomi 7,049 an si. Mizaw zual zohkhenhnak khan (ICU) ah mizaw 86 an um. Mizaw 28 cu an zual deuh caah cuap thli luhchuah ternak seh (ventilator) bunh an si.

Ngandamnak Vuanci Zung director-general Tan Sri Dr Noor Hisham Abdullah nih, “Nifatin mizaw milu cu an karh nain zawtnak i chawnh ning (RO) a zor.

“Cucaah, mipi hna a herh lo ah lengchuak hlah uh. Hi ti ning in cun nikhat ah Covid-19 mizaw 1,000 zong an phan kho.

“Zeihmanh kan tuah lo ahcun October 31 hrawng khin cun nikhat ah mizaw 5,000 tiang zong an phan kho.

“September 20 ahkhan zawtnak i chawnh ning (RO) hi 2.2 a si i atu hi 1.3 le 1.5 ah a tla. 1 nak tlawm si dingin kan i zuam a hau,” tiah tuni ah a chim.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -