15.1 C
Hakha
Monday, June 21, 2021
- Advertisement -

Ṭial Tharmi

Malaysia ah Chinpa rian a ttuan lio The Star media nih video documentary a tar

Malaysia ah ralzaam dirhmun in khua a sami Chinpa Thang (kum 24) cu Cameron Highlands ah lo rian a ttuan i a nupi le fa 2 he khua an sa. Thang a rianttuan ning le tuanbia tawi cu The Star media nih video a thlak i a tar.

Thang: Kawl ralkap nih kan lo a kan hrawhpiak pinah a kan chuh. Cun, hramhram in ralkap luhter an ka timh caah Malaysia ah a rat hi a si.

Malaysia ka phak ah rian ka kawl i atu ka boss nih hin rian a ka pek. A caan ahcun zinglei sml 7 in zaan sml 7 tiang ka ttuan. A caan ah zaan sml 8 tiang ka ttuan.

Zing fatin, seh in vawlei ka cheih i nawn ka toih. Thla 2 hnu hrawng ah an hringso ka cin. Hika hin cun ttuan awk a um zungzal. Hika ttuan awk a um lo zongah lo dang ah ka va ttuan.

Kan khua zongah lo rian ka ttuan tawn caah lo rianttuan hi kaa thim. Khua a kik i ka chuahkehnak khua he aa lo. Cameron Highlands hi kan khua he an i lo tuk.

Malaysia ka umnak hi kum 3,4 lawng a si rih rua ka ti nain a ngaingai ahcun kum 9 ka um cang. Ka rian ruang ah kaa manh bal lo i caan kal a rang tuk. Atu ka rianttuanmi hi kaa nuam ngai.

A caan ahcun ka chuahkehnak khua ka ngai tuk ko nain kir ding cu kaa tim rih lo. Ka nulepa zong nih an ka ngai ko nain kan ram a him rih lo ti an theih caah ka kir ding cu an i ruahchan lo.

Zei ram poah hi a tthatnak le chiatnak a um. Nain, Malaysia ram cu a tthatuk. Rian ka ttuan ahcun lahkhah an ka pek i ka chungkhar ka cawm khawh hna.

Ka chuahkehnak ram ahcun zeitluk rian kan ttuan zongah kan ttuan ning in zeihmanh kan ngah lo. A caan cun Kawl ralkap nih kan lo tiang a kan chuh ko.

Kan ram a tthat lo ruangah kan ram a si lomi Malaysia ram ahhin tangka tampi ka hmu lo nain hmailei tthanchonak caah rian fak piin kaa zuam.

A tang video ah tling deuh in zoh;

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -