23.7 C
Hakha
Thursday, June 24, 2021
- Advertisement -

Ṭial Tharmi

Malaysia ah Chinmi lawng siloin Kawlrammi tampi harnak an tong cio

Covid-19 ruangah Malaysia ram ah khua a sami Chinmi lawng siloin Kawlrammi tampi cu rian an ttuan khawh lo caah harnak a phunphun an tong hna.

Malaysia, Seremban ah a ummi nungak Wa Wa Naing nih “Indonesia, Nepal le Pakistan ram pawl nih cun atu ahhin an rammi pawl an lak hna. Kan nih cu kan ram nih zeihmanh ah a kan rel lo i ka ngaihchiatuk.

“Malaysia ram ah kum 10 leng ka um cang i palek tlaih ttih ah kaa thup, ka tli, ka zaam nain atu bantuk harsatnak hi ka tong bal rih lo,” tiah a ttah pah in a chim.

Covid-19 zawtnak ruangah Malaysia rammi lawng siloin ramdangmi vialte rianttuan loin an um hna. Rianttuan khawh a si hnu hmanh ah Malaysia rammi deuh rian pek dingin boss te cu forh/hnek an si.

Malaysia phan Kawlrammi telhin phungninglo in ramdangmi pawl cu rian an ngeih ti lo caah inn man a pe kho lo i inn ngeitu nih ttawlmi zong an um len. Umnak le einak a ngei lomi an tampi. Fa pawimi cheukhat cu fa ngeihnak tangka zong an ngei lo.

Nain, Myanmar cozah lei nih atu bantuk harnak a tongmi a rammi pawl hi zeitindah ka bawmh hna lai ti aa timh rih lo caah Malaysia ah Kawlrammi thong tampi cu ruahchannak ngei loin an um hna.

“Umnak inn kan ngei lo. Rian kan ngei lo. Rian kan ttuan lo tikah innman kan pe kho lo. Innman kan pek khawh lo tikah inn ngeitu nih a kan tthawl,” tiah Nyi Nyi Zaw nih a chim.

Nyi Nyi Zaw cu Malaysia ram ah signboard pawl wire saw rian a ttuanmi a si. Covid-19 ruangah rian a ttuan ti lonak thla 3 a si cang.

“Hlei tang, Phungki sianginn le rianttuannak zung tang hna ah kan hawile (Kawlrammi) he zaan ah kan riak i chun ahcun hmun dangdang ah kan kal hna,” tiah Nyi Nyi Zaw nih a chim.

Malaysia ram ahhin phungning tein rian a ttuanmi ting 3 hrawng le phungning loin a ummi ting 2 in ting 3 kar an um lai tiah Malaysia cozah nih a ruah.

Kawlrammi pawl cu hmunkhat te ah rian ngeilo in an um cio tikah khat le khat i zoh i ngaihchiat dah ti lo cu a hlan bantuk in aa bawm kho an um lo.

A luancia thla ahkhan Covid-19 ruangah rian dinh a si hnu in Malaysia ram i innsaknak hmun ah rian a ttuanmi Kawlrammi 19 cu an boss nih an hmai ah a bengh hna hnu ah tanzung hmai ah a va chiah hna.

Hi konghe pehtlai in, boss le agency cu Malaysia upadi ning in tazacuai an si lai, tiah Malaysia um Myanmar tanzung rianttuan U Aung Zaw Min nih a chim.

Myanmar cozah nih Malaysia ah phungning loin a um i harnak a tongmi Kawlrammi hna caah laknak le bawmhnak zeihmanh khuakhanmi a ngeih lo pin ah ruahchannak bia hmanh a chim rih lo.

“Atu tiang keimah ka theih ningah, Myanmar cozah nih lak a tim rih hna lo.

“Atu caan ahhin Nepal ram cozah nih cun a rammi a ting in lak a timh hna. Nikhat ah minung 2,500 in 3,000 kar a lak hna hnik,” tiah U Aung Zaw Min nih a chim.

Myanmar cozah nih Covid-19 ruangah ramdang um a rammi pawl cu vanlawng in a lak ko hna. Nain, ttha tein rammi sinak le a herhmi catlap/hnah ngeimi lawng a lak hna. Phungninglo an i tel lo.

May 8 le May 20 zongah Malaysia ah aa tapmi Kawlrammi 160 cu Myanmar cozah nih vanlawng in a lak ko hna.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -