Malaysia ram ah Hakha Peng Fellowship (HPF) ṭhithruainak in Chinland Defense Force – Hakha Supporting Committee (CDF-Hakha Bawmtu Bu) an dirh.
Hakha Peng Fellowship (HPF) le CDF-Hakha cu Hakha khualipi, Senthang Peng, Mie Peng le Zokhua Peng tiin fonhmi a si.
Kawlram ah Ralkap nih uknak hramhram in a lak hnu ah sualnak ngei lo mipi an thah hna. Kan Chin ram zong ah kawl ralkap nih kan vawlei, kan inn le lo cia ah sualnak ngei lo mipi a kan thah, an kan hrem.
Cu tikah kan Chin ram kilvennak ding le mipi runvennak dingah hriam tlaih in dothlennak a tuahmi ramtang ah a kalmi kan unau hna le kan mino hna tampi an um hna. Nihin kan dothlennak ah chungkhar inn le lo unau kaltak in kan Chin ram caah nunnak a pe cangmi hna zong an um.
Cucaah CDF-Hakha Supporting Committee, Malaysia nih chungkhar kal tak in kan ram le miphun caah nunnak pek in ramtang ah dothlennak a tuahmi kan unau hna caah dawtnak le zawnruahnak he chawva in rianṭuan ve dingin committee hi an dirhmi a si.
Malaysia ram ah a ummi Laihri tlai unau hna nunnak pek in ram rianṭuan mi CDF caah phaisa chawva in hlut duhmi nan um ahcun zalong tein zei tik caan poah ah hlut khawh a si lai. CDF-Hakha Supporting Committee, Malaysia nih nan hlut mi phaisa chawva le hlutu hna min cazin ṭha tein record a tuah lai i zalong tein zeitik caan poah ah hlat khawh peng a si lai.
Nihin kan ram luatnak caah dothlennak a tuahmi CDF caah na siantawk in na kut rak samh ve dingin kan in sawm hna. Hlut a duhmi nih a tanglei Phone number ah pehtlaih khawh kan si lai i Hakha Peng Fellowship (HPF) zong ah hlat peng khawh si lai.
Pehtlaihnak
1. Ram Hre (Chairman) – Ph – 0176463042
2. Salai Lian Kar (Information) – Ph – 01126982446
Thawngthanhtu: CDF-Hakha Supporting Committee, Malaysia
Hmanthlak: CDF-Hakha nih Surkhua um palik le ralkap sakhan an tuk lak lio
