Malaysia ah a tlaumi nute kawl bawmh dingin Westlife nih an fan pawl sin ah bawmh an hal

Malaysia ah a tlaumi nute kawl bawmh dingin Westlife nih an fan pawl sin ah bawmh an hal

Ireland ram band minthang Westlife cu Aug 7, 2019 zaan ahkhan Malaysia ram ah concert an tuah. Mah zaan ahcun, Westlife nih Malaysia ram ah a tlaumi Nora Anne Quoirin kawl bawmh dingin an fan pawl sin ah bawmh an hal.

Nora Anne Quoirin (kum 15) cu Aug 4 ahkhan a tlau. A chungkhar he Seremban pawng nuamnak an kal lio ah a tlau hi a si. Malaysia cozah nih nifatin a kawl ko nain atu tiang an hmu kho rih lo.

Aug 7 zaan i concert an tuah lio ah a tlaumi Nora Anne Quoirin hmanthlak cu screens nganpi ah an cuanter i, Westlife chungtel Nicky Byrne (kum 40) nih concert zohtu minung 7,000 sinah ngia/zoh/kawl pi dingin bawmh a hal hna.

“Nora hmanthlak hi social media ah share rak kan bawm ve uh. Nora a tlaunak kong a theimi nan um ahcun hmai ah rak chuak uh,” tiah Nicky Byrne nih a chim.

“A tlaumi Nora he hin ram khat kan si tik ah kan lungttha hrim lo. Nora kong a theimi nan um ahcun nawl ngeitu sinah thawngthanh dingin kan in sawm hna,” tiah Byrne nih show an tuah lio tanttim pi ah a chim.

Westlife nih ‘Twenty Tour’ timi tlangtar in Malaysia ram, Malawati Stadium ah zaan 2 chung concert an tuah.

Nora Anne cu pumtlamtling lomi a si. August 3 ahkhan a chungkhar he London khuapi in Malaysia tlawn ah an ra. Zarh 2 caam ding an si. Nain, a thaizing zinglei sml 8 hrawng ah an hmu ti lo.

Malaysia rammi tampi zong nih Nora cu thlacam in an bawmh. _ The Star



Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.