16.3 C
Hakha
Thursday, June 17, 2021
- Advertisement -

Ṭial Tharmi

Lohtlau: US Supreme Court nih Louisiana State ‘Nau Thah Khapnak Upadi’ a Thah

Louisiana state cozah nih asi khawh chungin nau thah um hlah seh ti a duh caah “lam nai sizung ah mizaw riahternak nawl a ngeimi sibawi lawng nih nau thah khawh asi” tiin upadi a tuahmi cu US rampumpi biaceihzung sangbik Supreme Court nih a thah piak diam.

Cucaah, an state ah sibawi paoh nih fawi tein nau thah khawh asi cang.

President Trump le Khrihfa tampi nih cun nau thah cu an duh bak lomi asi. Trump nih Supreme Court ah biaceihtu 2 bak a chiah hna nain nau thah an kham kho bak lo.

Democratic/liberal pawl nih cun nau thah cu a pawitu nu nawl asi. A nuhrin covo asi, ti hi an dirpi ning asi.

Supreme Court nih that hlah sehlaw Louisiana state pumpi ah nau thahnak nawl a ngeimi sekhan/clinic pakhat lawng a um lai, i nau thah a zor taktak lai.

Nain, Supreme Court i Republican biaceihtu a simi Pu John Roberts nih titsa a phoh hoi i Democratic biaceihtu 4 sinah a ṭan caah khrihfa le Republican pawl nih uar tukmi Louisiana state nau thah khapnak upadi cu Supreme Court nih a thah.

Supreme Court ahcun biaceihtu 9 an um. Tam deuh (5) duhnak kha fehter zungzal asi. Biaceihtu 9 lakah 4 cu President hlun Clinton le Obama nih an khenhmi Democrat an si. 5 cu President Bush le Trump nih khenhmi Republican an si.

Republican duhning paoh in Supreme Court nih bia a khiah khawh peng ding asi nain President Bush nih a khenhmi Pu John Roberts nih titsa a phoh lengmang caah nai hrawng cu online ah Trump a zai peng.

Atu he cun June thla chungah Pu John Roberts nih Trump le Republican pawl titsa phoh in Democratic lei ah a ṭan voi 3nak bak asi cang – mah hi hmet law adang voi 2 cu rel khawh si.

Nain, Pu John Roberts hi a rianṭuan ning uar a um ngai vemi cu, “nau thah cu ka duh lo nain Louisiana state upadi he aa khat bakmi Texas state upadi kha 2016 ah Supreme Court nih a thahpiak caah Supreme Court tuahsernak i zul seh tiin Democratic lei ah ka ṭannak si” a timi te hi si — Amah duhnak lawng ruat (lung khat phor) loin thil sining zoh chih tein rian a ṭuan (a fair tuk) kan ti lai cu.

2016 ah Supreme Court nih Texas nau thah khapnak upadi thah/lo kong vote a thlak lio ahcun Pu John Roberts nih ‘zuah (thah lo) dingin a rak vote’ nain thah dingin vote tu an tam deuh caah thahpiak an si.

Zeiti ṭha, Louisiana state um Republican pawl le khrihfa tampi duhmi “nau thah khap” cu a tlamtling ai lo.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -