16.3 C
Hakha
Thursday, June 17, 2021
- Advertisement -

Ṭial Tharmi

Lohtlau: President Trump nih Obamacare Hrawh a Timh, Republican Mipi nih Hrawh an Duh Lo

US President Donald Trump nih Obamacare hrawh dingin liamcia ni 6 ah Supreme Court a halmi cu amah sunghnak tu ah a cangte kho men – amah tein a ke aa phelh ah a cang kho men.

Amah uartu an tam taktaknak Oklahoma state mipi nih Obamacare ah aa telmi “Medicaid expansion” cu hrawh an duh lo.

‘Medicaid expansion’ cu hman dingin Oklahoma mipi nih Nihnihni ah vote an thlak cang.

An state sifak minung ting 2 (200,000) dengmang cu cozah nih free in health insurance ‘Medicaid expansion’ pek dingin an fehter cang.

Oklahoma state mipi cu Republican ṭanhtu deuh lawngte an si. 2016 thimnak ah Trump nih fak taktak in Hillary a rak teinak state asi. Vote a petu mipi nih an duhning le President Trump duhning aa kalh cang.

Republican states ti bakin auh vemi Utah, Nebraska le Idaho mipi zong nih Obamacare ah aa telhmi ‘Medicaid expansion’ cu hman dingin vote an thlak cang.

Mah states pawl ahhinn Trump a sung lai tinak asi lo, a sung theng lai lo. Nain, Democrats nih hriamnam ah an hman lai caah tei a herh tuknak state (battleground states) pawl ah an teinak khawh.

Atu lio hi US ram pumpi ah Obamacare a hmangmi minung 23 million hrawng an um. President Trump nih Obamacare a hrawh khawh ahcun mah vialte cu harnak an tong dih lai.

Medicaid expansion’ a tawifiannak

Medicaid cu kum 1966 ah an rak tuah cangmi asi nain mipi nih ngah a har tuk caah ngah fawi deuh dingin Obama acozah nih 2010 ah Obamacare/ACA upadi in an tuah i ‘Medicaid expansion (Medicaid kauhmi)’ tiin an auh.

Kum 1 ah $26,000 tang a hmumi minung 3 chungkhar le $15,00 tang a hmumi single paoh nih ‘Medicaid expansion’ cu ngah khawh asi.

2012 ah Supreme Court nih ‘Medicaid expansion’ cu state cozah nih a duh cun tuah seh, a duh lo cun tuah hlah seh tiin bia a rak khiah caah Republican state 13 nih cun an tuah lo. Nain, Chinmi tampi kan umnak Indiana telh in state 38 nih an tuah.

A tuah lomi state 13 cu;

  1. Texas
  2. Kansas
  3. Missouri
  4. Mississippi
  5. Alabama
  6. Georgia
  7. Florida
  8. South Carolina
  9. North Carolina
  10. Wisconsin
  11. South Dakota
  12. Tennessee le
  13. Wyoming an si.

Charhchan: The New York Times, NBC News le KFF

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -