Rakhine Miphun Party (ANP) nih, “Rakhine ralkap cozah ah i tel ve kan duh,” tiin uknak firtu ralkap a hal.
“Rakhine state um ralzaam pawl dai tein an inn cio an kir khawhnak hnga le mei duahpiak a tongmi khuate pawl zong inn sakpiak ṭhan hna dingin ralkap cozah nih rianṭuan seh ti kan duh,” ati.
March 10 le 11 kha Rakhine khualipi Sittwe um ANP zungpi ah ANP CEC le ANP Policy Sertu Bu ni 2 chung meeting an tuahmi kong RFA nih a hal hna i ANP Policy Sertu Bu chungtel Pu Phe Than nih atu bantukin a chim hi si.
“Rakhine mipi caah thil ṭha tam deuh kan tuah khawhnak hnga, liamcia USDP acozah lio zongah kan rak hal bantukin NLD acozah lio zongah Rakhine Vuancichoh hmunhma kan pe uh tiin kan rak hal hna.
“Ralkap cozah sinah biachahnak nawl a ngeimi hmunhma sang kan halmi hi liamcia cozah sinah kan rak halmi bantuk asi ko,” ati.
ANP cu uknak firtu ralkap cozah ah i tel ve dingin bia an chah hnu ah;
- “Pine Hluttaw hruaitu Pu San Kyaw Hla kan thlahpiak uh,
- Ramkhel ruangah tlaihmi vialte kan thlahpiak hna uh,
- Ralhrang upadi in tlaihmi mipi an case kharpiak hna ulaw thlah hna uh,
- Rakhine, Yangon le Irrawaddy ralkap cozah ah ANP hi hmunhma sang kan pe ve uh, tbk. phun 7 an hal.
