15.1 C
Hakha
Monday, June 21, 2021
- Advertisement -

Ṭial Tharmi

Loh bak! Esther nih ‘hla lak’ aa palh sual

Tuzaan MMID zuamnak ah Esther Dawt Chin Sung nih avoi 1nak ah ‘hla laak’ aa palh sual i seconds tlawmpal chung sak loin a ngol, nain a peh ṭhan i a dongh tiang palh ti lo tein a sak khawh.

Phyu Phyu Kyaw Thein nih, “a hramthok i nai palhmi pakhat kha… nain a dongh tiang tlamtling tein na sak khawh ṭhan caah kan lawmhpi. Mah level tiang na phak cang hin cun hi bantukin i palh awk cu si ti lo henta,” ati.

“Palh ti lo ding nai palh tikah lungfimnak pakhat cu na ngah henta.

“Nain, tunai nangmah dirhmun kha… atu lio aa zuammi cu ka chim duhnak si lo nain… pakhatkhat nih tong sual hna sehlaw a dongh tiang tluang tein an sa kho ti lai maw ti ka ruat.

“Upat le thangṭhat kan duhmi cu, a taangmi cu ka si khawh chungin ka sak lai timi lungput na ngeihmi hi asi. Mah bantuk lungput hi hlasa caah a herh bikmi pakhat asi ve. Kha bantuk lungput na ngeih lawngah hmailei caan saupi tiang na hmun lai.

“Hi nak lengin na hlawhtling chin ko seh,” ati.

Aung Ko Latt nih, “ka fanu, nai palh len zongah… apoi ah chia hlah. [Biakhiaktu] nu 2 hi hal hna, ‘nan i palh bal lo maw?’ tiah. [Phyu Phyu nih ‘kan i palh bal henta’] ati. Hlasa minthang vialte lakah aa palh bal lomi an um cun kahin rak chuahpi hna uh,” ati.

“Kei zong music ka tum lio ah siseh, hla ka sak lio zongah stage cungah kai palh bal ve ko,” ati.

Tin Zar Maw nih, “Phyu Phyu chimmi zong ka lungtling. U Latt chimmi zong ka lungtling. Hohmanh aa palh lo kho kan um lo. Hla laak nai palh ko nain mithmai chia pi le thinphang-thlalau in na um lo i a dongh tiang tluang tein na sak khawh ṭhanmi kha kan thangṭhat tuk,” ati.

Avoi 2nak a sakmi tu cu i palh ti lo, tluang tein a sak khawh. Tu zaan cu hla fung 2 cio in an i zuam hna.

Esther a uar i kai rih seh ti a duhmi paoh nih vote pek philh hlah uh. Tuzaan in thaizing zaanlei 6pm tiang vote khawh asi.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -