‘LGBT Equality Act Sual Raalchanh In Pathian Raalkaap Hna Tho U: Franklin Graham (Billy Graham fapa)

AMERICA, George _ Graham nih a zultu hna sinah LGBT tanhtu Democrats party nih ngeihkhat sualnak kongah an duhmi a tlin lo naklai George ah vote pek ding a forhfial hna.

LGBT Equality Act timi cu ngeihkhat thitumhnak ti bantuk kha phunglut in sernak upadi a si. Senate (phung sertu phu) ah Democrats an tlin sual ahcun Biden he an ttangtti lai, Bible nih a duh lomi sual hi zalonnak he phunglut in an ser khawh.

Hi tthutdan biapi i cuhnak hi January 5 ah an ngei tthan lai. Biden nih ngeihkhat-hur pawl a dirpi ttung, a party nih Senate an uk/laak tthan bak a si ahcun a poi tuk ding khi a si.

Kan ram nunnak hi ttihnung in a um, thlacam ulaw, nan inchungkhar le hawile vialte kha sawm hna ulaw, Pathian nih a duh lomi phu an tlin lo naklai nan thazaang chuah u a ti.

Senate lawnglawng hi Pathian duh lo ningin khua a khaangtu lam phihkham khawhnak umchun a si cang. Bible a zum i Khrihfa ttha a simi nih cun kan doh awk a si a ti.

I tthitumhnak cu pa le nu karlak a si, nu le nu, pa le pa, a si lo. Kan techin fapar caah khua ruat usih, kan ram nunnak hram a si i, kan rak dirh thokin Pathian duhning in a kalmi kan si a ti.

Hi Equality  Act hi an tlinter (pass) ahcun kan biaknak zalonnak zong a hrawh dih lai. Pathian riantuantu le Khrihfabu sinah an aukhuang rih lai, ttih a nung tuk a ti.

METROWEEKLY.COM

Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Chin ralkap nih Myanmar ralkap 3 an thah hna

Zotung pengah uknak firtu Myanmar ralkap 3 kan thah hna, tiah CDF-Zotung nih a chim. "Matupi khua in raltuk...

UNHCR Card/Catlap thlen kong – Malaysia

Kum 2020 le 2021 chungah UN card/catlap nithla a dihmi pawl rianrang deuh in thlen piak hna dingin...

Sawmnak: CNA ralkap caah phaisa kawlnak bawlung puai an tuah lai

CNF Malaysia nih CNA ralkap caah phaisa kawlnak bawlung puai kan tuah lai caah Malaysia um Chinmi vialte...

CNA ralkap caah Malaysia um Matupi nih RM2,000 an hlut

Malaysia um Matupi kan unau hna nih CNA ralkap caah RM2,000 an hlut. CDF-Matupi Battalion 2 Cingtlang Bawmtu...