Yangon um Lai Baptist Church (LBC) nih COVID-19 in a zawmi ka miphun bawmhnak caah July thla tanṭim in atutiang zarh 2 kar ah tangka ting 300 hrawng a hman cang.
LBC member lawng si loin Chinmi paohpaoh Oxygen a herhmi cu liters 5000-6000 kar an pek hna.
Pastor Za Uk Sang ṭhithruainak in zaanghleicawi mino 9 nih ni fatin dinh caan ngei loin oxyen lak thiar ṭuanvo an lak i mizaw an chanh hna.
Mizaw pawl cu rawl zong an chanh hna.
Si-ai aa cawk kho lomi cu mino volunteer nih an cawk piak hna i an inn ah an pek hna. Cun Siinn le mizaw thloptu tampi nih Covid mizaw an hrial hna lio ah mizaw sin bak ah mah mipum kal in Dr. Za Za, Dr. Jemimah le Dr. Ni Tin Tial nih an thlop hna.
LBC-Yangon thawngthanh: COVID-19 Prevention Committe (CPC) Rianṭuannak Tlawmpal
CPC komiti cu July 15, 2021 in dirh le riantuan thawk a si. Kan thawkka ahcun cylinder dur 2 tein kan thawk nain zumtu ulenau tanpi nakin atu cu mizaw oxygen a herhmi (LBC + Non-LBC) sin ah oxygen liters 5000-6000 kar kan pek cang hna.
July thla tantim in nihin tiang (zarh 2 fai) ah tangka K. Sing 300 hrawng kan hman cang.
Pastor Za Uk Sang thithruainak in volunteers mino 9 nih nifatin dinh caan ngei loin oxygen lak thiar tuanvo an lak i mizaw an chanh hna.
Si-ai aa cawk kho lomi cu mino volunteer nih an cawk piak hna i an inn ah an pek hna. Cun Siinn le mizaw thloptu tampi nih Covid mizaw an hrial hna lio ah mizaw sin bak ah mah mipum kal in Dr. Za Za, Dr. Jemimah le Dr. Ni Tin Tial nih an thlop hna.
Cu pin ah Tele consultation caah sibawi 4 le nurse 7 sayama te an um. Nizan August 4, 2021 in mizaw le midamka caah sup kan chuan piak hna i kan chanh hna.
Nizan cu Butiria buti dawr, (Lily Bawi) nih a chuan he a phawtzamh he a kan tlawmh, inn 17 ca mizaw 30 kan chanh hna. Nihin hi pi Mah Cin le chungkhar nih an kan tlawmh i inn 20 ca minung 35 sin kan phan kho.
Hi riantuannak cu a biapi tukmi a si caah Church President hrimhrim kha komiti lutlai ah chiah a si i upa thohderhtu le ruahnak petu nih felfai tein zohkhenh le tlangtlak a si.
CPC bawmchantu le tanpitu vialte Pathian nih thluachuah in pe hna seh law nan pek chanhmi zong kan hawile a dam lomi caah damnak bawmtu si ko seh.
