Laipa cu Yangon damiah nih ‘a hrom ah nam hmuah’ in thil an chuh dih

- Advertisement -

Nupi le fale cawmnak caah tiin Thailand ram a kal i a hung tlung kami Pu Siang Tha Kam cu Yangon bus station ah damiah nih thil an chuh dih cikcek. A hmatpungtin, passport le a phone tiang an chuh dih.

Fa 2 a ngeimi Pu Siang Tha Kam, kum 35 cu Yangon i Aungmingalar bus station ah a ṭum i tlun inn panh dingin motorcycle aa hlan.

Motorcycle cung a kai cangka in ruah lo piin a hnulei ah Kawlpa pakhat a hung kai ve. Minung um lonak lei ah an kalpi.

Minung an um ti lo hnu ah an dirpi i a hnulei pa nih a hrom ah nam a hmuah colh. Na thil vialte hi kaltak dih an ti. Cutin a thil cu pakhat hmanh taang loin an chuh dih.

Pu Siang Tha Kam cu amah tein ke in Aungmingalar bus station ah a hung kir ṭhan i motorcycle mong dang pawl bawmh a hal hna.

Motorcycle mong Kawl pawl nih ‘zei miphun dah na si?’ an ti i ‘Chin ka si’ ati hnu ah ‘Chinmi kan theihmi a um ko’ an ti i minutes 15 kal hrawng a hlatnak ah a ummi Pu Aung Myint Thang inn ah free in an va chiah.

Kan Laimi dang nih hi bantuk an ton tinak hnga lo theihtlei le ralrin peknak caah tiin Pu Aung Myint Thang nih Siang Tha Kam cu bia a hal i Facebook ah video a hung tar.

Pu Siang Tha Kam cu Kalay peng Pyindawoo khua ah a ummi si. Pu Aung Myint Thang bawmhnak in apa he an i chawn kho cang i apa nih tlunnak tangka zong a kuat cang.

Mah kong cu Pu Aung Myint Thang nih, “Damiah nih Aungmingalar bus gate pawngah an tteih i hmatpungtin, passport, a phone zong an chuh dihmi kong he midang caah ralrin peknak. Thailand hmanh ah hi bantuk ka tong bal lo a ti. Yangon Aungminlgala Bus terminal ah gangstar an rak tam tuk. I ralring cio hna uh. Police sinah ka report piak lai ka ti nain nihin a tlung cawlh ding a si caah caan kan nei lo i report kan tuah kho lo. Cozah rianttuanmi le thil ti khomi hna nan um ahcun hi bus terminal damiah hi dothlat ah a ttha hnga,” ati.

Chinmi dang zong Yangon kan phak tikah i ralring cio usih. Malaysia, Thailand, tbk., in a tlungmi le Laitlang in Yangon a phanka mi pawl ahlei in i ralring usih.

Yangon nan phak hlan ah ṭha tein dongtu i kawl cia ulaw nan phak cangka in dongtu nan chungkhat phone chawn hna uh. Mithar cu taxi le motorcycle taxi mong pawl nih kan mitau le umtu in a kan theih colh caah anmah zulh lo a ṭha. Nan chungkhat i donter hna ulaw a ṭha cem.

Video zoh ve

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -