Kum tlinglo nu a tlaihhremtu Chin mino telh in pa 4 an tlaih khawh cang hna

Kum tlinglo nu a tlaihhremtu Chin pa telh in pa 4 an tlaih khawh cang hna

Sagaing ramtthen, Kalaymyo peng, Sinyua khuate ah a ummi kum 17 nu a tlaihhremtu Chin mino telh in pa 4 cu an tlaih khawh cang hna. Mah kongah aa tel vemi mi dang pakhat zong tlaih dingin an kawl lio a si.

August 8 ah kum tlinglo nu pakhat cu Kalaymyo, Taungzalet sang ah a ummi a tlangval pa Bawi Neih Thang ( ဘြဲ႔ေနထန္) nih zaan sml 8 ah i tong dingin a ching. Bawi Neih Thang don a kan fial tiin Bawi Neih Thang a hawile Johan le Thang Lian ( ေယာလ္ဟန္ေမြးဖူႏွင့္ ထန္းလန္) nih an ti caah nu nih a zulh hna.

Bawi Neih Thang i a hawile nih cun nu cu motorcycle in an kalpi i Khaikam khua ah a ummi Kyauk Ta Loun da darr ( ေက်ာက္တလံုးတံတား ) lei ah an kal pi. An tlerh i, an tin lei ah an tlaihhrem.

“Lungkua lei ah an kalpi i an tlaihhrem hnu ah an chiah tak. Zaan sml 12 hrawng lawng ah amah aa thei. Mah ahcun pa pawl cu an rak um ti lo caah Industrial Zone lam lei ah a kal. Taungta khuate ah a ummi Nay Htet Lin le A Nge Lay nih inn ah kan in thlah lai an ti i, tlangtang lei ah an kalpi i an va tlaihhrem.”

“Cu hnu ah, Nay Htet Lin nih Indutrial Zone pawng i minung um lonak inn ah zaan khat aa riahpi. Mah hnu ah, an theihhngalhmi inn ah zaan 3 a riahpi tthan. Sii zong an dihter. A hnu ah nu cu a zaam. A zaam lio ah lam ah Johan le a hawi pa pakhat he an i tong.”

“Johan le a hawipa nih Taung Phi Lar tlang ah an kalpi i voi khat an tlaihhrem. Tuan bantuk khan an kal tak tthan i zaantim ah amah aa thei. Taung Phi Lar lam cung a kal lio ah mi pakhat he an i tong i inn pawng tiang a rak thlah. A tlaihremtu pawl cu atu hi taza kan cuai hna,” tiah tlaihhrem tongmi nu i a chungkhat pa nih a chim.

Thil a can hi August 8 ah a si ko nain tlaihrem tongmi chungkhar lei nih Chin nunphung tein i ruahceih dingin an chimh ko hna nain tlaihhremtu lei nih an i phuang duh lo. Cu ruangah, September 1, 2019 ah Upadi ningin taza an cuai hna hi a si. _ Chin World

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.