Kum Thar ni ah zu dawr le zan nuamhnak hmun (night club) ah 600 tlaih: Malaysia

- Advertisement -

PUTRAJAYA _Kum Thar ni ah minung 600 naktam  zu dawr le zan nuamhnak hmun (night club) ah kan tlaih hna tiah Datuk Seri Ismail Sabri Yaakob nih a chim.

COVID in i runvennak cozah zulhphung (SOP) an buar caah tlaih an si tiah Senior Minister nih a ti. Night club hi awnh rih lomi a si.

Minung 152 hna cu MCO buar/ zulh lo ruangah tlaihmi an si. Cawnnikhat (Jan.4) ah ruahlopi in checknak an tuahnak in tlaihmi an si.

Zulhphung an buarmi lakah ai telmi hna cu:

1. Hmurka huh lo (70)

2. Customer ca luh laiah a herhmi i check-nak thilri ngeih lo (64)

3. I naih tukin um lo ding timi zulhphung zulh lo (5) le

4. A dangdang ruangah (13) hna hi an si.

Palik nih Cawnnikhat ah khan ram chung ummi hna nih COVID zulhphung an zul maw zul lo ti check-nak voi 45,665 an tuah.

Cozah minung 2,792 nih ram pumpi ah an tuahmi a si; supermarkets, rawldawr, arnu zuarnak hmun, thil sernak hmun, banks le cozah inn umnak hmun pawl kha an check hna.

Cahnah ngei lo (phungninglo ramdangmi) zong  minung 29 an tlaihchih hna. Nawlngeitu nih mawtaw 4 le tilong 3 chuhnak an tuah lioah an tlaihmi hna an si.

Ram pumpi ah lam khamnak hmun 109 ah an tuah. Naite ah a phanmi khualtlawng 7,805 zong an um; hotel 74 le pumpak le zatlawng hrawm inn 17 ah erhkhumh in an um rih.

July 24 in Jan.4  tiangah lam dangdang in ram chung lutmi hi 98,286 an si. Cu lak i minung 89,941 cu an ram kirnak nawl awnh an si; a dang 540 cu sizung ah thlopbul dingin kalpi an si.

Dec.1 in Jan. 4 tiang kha ramdang in rian a hung tuanmi  minung 99,163 nih screening (zawtnak ngeih ngeih lo zohnak) an ngei; mah cu Human Resources Minister nih a tuahmi a si.

The Star (Jan.5)

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...