Kum 71 Thailand Nu Cu America’s Got Talent Ah Lam Aa Zuam I Golden Buzzer An Pek

Kum 71 Thailand Nu Cu America's Got Talent Ah A Lam I Golden Buzzer An Pek

Kum 71 a si cangmi Thailand nu cu minthang TV show simi ‘America’s Got Talent’ ah lam aa zuam ve i a video cu social media ah linsa ngaiin zoh le ceih a si.

A zeidang nakin kum 71 si cang nain hitluk in lam khawh cu an ti.

Quin Bommelje (kum 71) cu Thailand ram, khuate ah a chuakmi a si i a vapa he US ah khua an saknak kum 50 leng si cang. A luancia kum 10 lawng in khan lam aa thok.

Quin Bommelje cu a lam tti hawi pa Misha Vlasov he Fleur East hla ‘Sax’ in an lam i a vapa nih mibu thutnak in thazaang a pek ve hna.

“Thazaang na ka pek tuk. Na mak chiahru,” tiah biakhiaktu Heidi Klum nih a ti.

“Nan thiam tuk. Mah bantuk hi pei kan kawl lengmangmi a si cu,” tiah Simon Cowell nih a ti.

“Tar pawl thazaang pek ka duh hna na ti nain tar he ngakchia he thazaang na pek hna. Atu nan cawlcanghnak hi zeitik hmanh ah philh awk a ttha lo,” tiah McBride nih a ti i Golden Buzzer a pek hna.

Quin Bommelje cu a lawmh tuknak ah ttuang ah a bawk i, lawmhnak mitthli he a ttap.

Quin Bommelje le Misha Vlasov lamnak video cu Tuni (August 2) Youtube video vialte lakah zoh bikmi 1nk ah a cang.

Leave a Reply

Your email address will not be published. Required fields are marked *