PAKISTAN _ Kum 44 Muslim pa Ali Azhar nih kum 13 Khrihfa nu Arzoo Raja cu hramhram in a fir/zaampi hnuah a tlaihhrem, Islam thitumh phung in kalpi a timh.
Ali cu kan hnung thla ah khan Pakistan phung a buar lo tiah amahkhan in an luatter/chuah huar ko. Arzoo cu kum tling a si cang an ti. Paskistan Muslim ngakchia thit le tlaihhrem phung ah a buarmi a um lo ti si.
Ali hi sualphawt in a um cun nunchung thong asiloah thihdan pek ding a si.
Arzoo le Ali hi inpa an si. An umnak hi Karachi khuapi a si. Cuka an inn cun hmun dang ah a zaampi. October 13, 2020 ah khan Arzoo pa nih palik sinah a chimh hna.
Arzoo hi hramhram in Ali sinah umter a si ko nain Muslim ah kai thial i, Ali hi ka vat lai tiah minthutnak a rak ngei cang ti si.
Arzoo amah hrimhrim nih Khrihfa sinak a kaltak cang, Ali he umti a duh, a nulepa sin um a duh lo tiin a phunphun in bia chokvai an chim. Muslim nih Khrihfa nu an tlaih cang cun an tlerh, an hrem hna. Hramhram in min an thutter tawn hna.
THE CHRISTIAN POST (January 3, 2021)
