Ku Hye Sun nih a va tthing Ahn Jae Hyun he agency hrawm a duh lo

- Advertisement -

Korea actress minthang Ku Hye Sun le a va tthing Ahn Jae Hyun cu HB Entertainment tangah rianttuan tti an si.

Ku Hye Sun nih naite ahkhan a Instagram account ah ca tlawmpal a ttial tiah Soompi nih a ti. A umnak agency i CEO nih cakuat a leh lonak screenshot zong a tar chih.

“Hello, president. Atu caan ahhin keimah le Ahn Jae Hyun cu company pakhat tangah kan umtti awk a si lo tiah ka ruah. Director nih sachoh (contract) kan ngeihmi kan donghter cang lai a ka ti.”

“Kanmah pahnih kongah amah aa thlak herh lo. Na hnulei ah miralchia bantuk in i thup hlah seh. HB Entertainment company in ka chuak lai i zumhnak ngei tein Ahn Jae Hyun cu ka doh lai. Ruahziatu ka thim ko. Sachoh hi ka cancel piak ulaw kaa lawm ko hnga” tiah Ku Hye Sun nih a agency president sin ah ca a kuat.

Ku Hye Sun le a va an i tthen kho men

“Nangmah nih hmasa ah sachoh kan donghter lai na ti. Atu ah na duh ti fawn lo. Agency pakhat tangah aa tthen cangmi actor le actress hmunkhat umtti cu a nuam lo ngaite na ti ttung. Atu ah le ka cakuat na ka let duh ti lo. Mah konghi nangmah nih ttuanvo na lak hau” tiah Ku Hye Sun nih a agency CEO sinah ca a kuat.

“Mah ka cakuat pawl hi August thla ah ka kuat cangmi a si. October si cang, atu tiang a ka let lo. Ahn Jae Hyun he kan i tthennak kongah agency aa thlak vemi nih zumhlonak an chuahpi. Ahn Jae Hyn le CEO nih ka tthatlonak an ceihmi cu ka record i Ahn Jae Hyun he kan i ceih dih hnu ah biaceih zung ah ka kuat.”

“Atu cu aho bawmhnak tel lo in keimah lawng ka cawlcang. Zeiruang ahdah a luancia 2 ahkhan Ahn Jae Hyun nih mah agency hin a rak ka luh hnga ti ka ruah hin ka khuaruahhar. Nuva kan si bang, a luancia kum 2 chungah rel cawkloin ca kan i kua.”

“Mah cu, Ahn Jae Hyun agency HB Entertainment nih kan cakuat chungin an duhnak zawn tete lawng an lak i Despatch sinah an kuat. Mah hrim cu a mak tuk cang. HB Entertainment company cu ka rianttuannak company si ve ko cuta. Ka covo a buar ruangah sachoh cancel dingin ruahnak kan cheuh hna” tiah Ku Hye Sun nih a ttialchap. – The Star

Ṭial Tharmi

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 
- Advertisement -